Eri e rajchak ri Ministerio rech Gobernación ruk’ ri uq’ab’il ri’ xek’oji pa le retal k’uttijonem ub’i’ “Git & GitLab Profesional” ri’. Eri utaqim ri’ are rech uya’ik ri k’ak’ keta’mab’al b’anow chak rech pa le upatanexik ri cholchak rech cholb’al tz’ib’atalil q’axeb’al ri’ rech utz ub’anik ri chak kab’an kumal ruk’ taq ri k’ak’ kemechakub’al nim upatan rech ri taqawokajnem ri’.
Eri viceministra rech Tecnología rech ri tzijolil xuquje’ ri tzijob’enem ri’, al Karen Ortiz, ri are xujaq uwach ri k’uttijonem, te k’u ri’ sib’alaj xub’ij che ri b’anow tijob’enik ri’ are kuya ri’ ri utz chakub’al nuk’ub’al chi ke ri ajchak rech kakikojo le k’ak’ kemechakub’al nim upatan ri’ ri b’anom rech utz ub’anik ri kichak pa le uwachwujilal ri’.
Eri nim taq ajeta’manelab’ chi rij ukojik ri k’ak’ kemechakub’al nim upatan e’are ketijonik pa le k’uttijonem chi ke ri e’ajchak pa le Salón Mayor rech ri Taqawokajnem rech ri Ya’olchajinem pa Amaq’. Eri tijob’enik ri’ kuk’ut ukojik ri cholb’al tz’ib’atalil q’axeb’al ri’, jeri’ chi rij nik’aj chik ri’.
Eri cholchak ri’ are katob’anik rech kuya uchuq’ab’il ub’anik kichak ri rajchakunelab’ ri Taqawokajnem, jeri’ rech utzilaj ub’anik ukojik ri k’ak’ taq kemeta’mab’al nim upatan kumal ri jujun taq wokaj e’ajchakunel ri’ rech utz kub’al k’u’x b’a’ ub’anik ri kichak kakib’an ri’ xuquje’ rech kakib’an jun utzilaj kanimaxik ri winaqilal ri’.