Paq’ij 9 rech abril ri’, eri reqa’lenel ri Comisaría 74 rech Sacatepéquez, xkichap keb’ achijab’ pa le calle El Emperador chi uwach ri Q’atb’al Tzij Kachomanik rech La Antigua Guatemala, Sacatepéquez ri’.
Eri xechapatajik xch’ob’otaj kuwach e are k’ut a Luis Erlindo del Cid Velásquez, 32 ujunab’, xuquje’ a Walter Rafael Hentze Vielman, 34 ujunab’, are k’ut ti xrilo kojom jun k’olib’al tzukunem chajinik kumal ajchajil tinamit xraj xkanimajik, man xkowon ta k’ut xchap ri’. Are chi’ xil utzijol ri ch’ich’, xriqitaj keb’ k’olib’al rech chiyim chi upam k’ut xriqitaj wi 72 chi xetkunab’al rech q’ab’arisab’al.
Eri kunab’al ri’ are xb’an le rilik kumal ri antinarcóticos rech ri Wokajil Ajchajil Tinamit (PNC) xuquje’ kumal q’atol Tzij rech ri Ministerio Público (MP) xq’alajin chi kuwach chi kunab’al ri’ rech kaq’ab’arisanik.
Pa le kilómetro 387 nimab’e CA-13, aldea Machaquilá Poptun, Petén, eri reqa’lenel ri PNC chi la’ k’ut xkichap wi loq jun juk’ulaj winaq e b’enaq chi rij jun kejach’ich’. Ch la’ k’ut xriqitaj wi waqxaqib’ chi k’olib’al pisom k’o ri marihuana chi upam ri’, are xq’alajin chi kuwach ri reqa’lenel ri Subdirección General rech Análisis rech Información Antinarcótica (SGAIA) ri’.