Rech kataqixik b’anik utz chech ri kichakunik ri reqa’lenelab’ ri Wokajil Ajchajil Tinamit (PNC) pa le chajinem kakib’ano ri’, kimik xjaq jun k’ak’ nimaja rech kewa’ wi’ ri e’ajchajinel pa rachoch ri Subestación 15-1-6, k’o pa le colonia Villa Lobos, Villa Nueva, Iximulew ri’.
Chi la’ k’ut ri keriqitaj wi ri eqa’lenelab’ kechajin ri’, ri ya’tal wi oxib’ mul kiwa rech kakitijo pa ronojel taq q’ij ri’ man tojom taj, ruk’ taq ri wa’ katijik ri chi ik’ taq b’anom kumal e’ajeqa’lenel ri kechakun pa taq ri b’anb’al wa, rech b’a’ ya’tal ri kiwa ri e’ajchainel pa tinamit rech utz b’a’ ri kakitijo ri’.

Eri Ministro rech Gobernación, Francisco Jiménez, ri xuk’am ub’e ri nimatzij rech jaqib’al wari’, xub’ij che ruk’ ujaqik uwach ri k’ak’ nimaja rech tijob’al kiwa ri ajchajinel pa tinamit are la’ k’o jun nim upatanib’al rech kuya uq’ij upatanib’al ri chajinem kumal ri ajchajin tinamit. “Sib’alaj kinkub’isaj ub’ixik chiwe ix che ri reqale’n chak ri’ are rech kinb’an utz chech ri kichak ri e’ajchajin tinamit; eri k’olib’alil ri’ are la’ ch’ob’om ub’anik le jun rilik rech b’anoj ronojel utzilem ri’”, xcha’.

Eri k’ak’ rachoch tijob’al wa are kuq’i’o e 1,300 chi eqa’lenelab’ rech Amatitlán, Villa Canales, Villa Nueva xuquje’ San Miguel Petapa ri’. K’o jun unimaja rech b’anb’al wa’ ruk’ juntir k’ak’ kemechokonsab’al, jorob’sab’al ruk’ jun nimaja tew. Ronojel wari’ rech kakub’isax ya’ik jun utzilaj tzuqub’alil ri sib’alaj utz utz. Are kach’ob’ che ri jujun ajchajinel ri’, are kukol Q1 pa Q2 mil chi pwaqil chi ik’al pa chuwe’q kab’ij. Rech k’ax ta chik kakiriq ri kiwa ri’ are chi’ rech kakik’am b’i pa taq ri kichak.

Rumal ri’, eri K’amal B’e rech ri PNC, David Custodio Boteo, xub’ij k’ut ruk’ ukojik ri rachoch tijob’al wa ri’ man xaq ta ri’ rech kab’an utz chech ri kichak ri kik’aslemal ri ajchajinem pa tinamit, xane’ are rech katob’anik pa le ub’anik jun wokajil rech qas kub’an winaq ri’ xuquje’ rech kanimax wi tzij, eri b’anowem ri’ are la’ qas kuya uchuq’ab’ ri k’amoj ib’ chi kuwach ri e’ajchajin tinamit kuk’ ri winaqilal ri’ “Pa le Wokajil Ajchajin Tinamit, qeta’m k’ut rech kechajixik ri kechajixik are ri’ jun utzilaj b’anowem rech unimaxik pa utzilal ri’”, xcha’.