Pa jun b’anoj chajinem winaqilal xuk’am uchuq’ab’ pa we q’ij kimik pa Champerico, Retalhuleu, ruk’ ri ukojik ri Subestación 34-1-2 rech ri Wokajil Ajchajin Tinamit (PNC) ri’. Eri nimaja ri’ are xwok rech xuloq’aq’ex ri kichak e’ajchajil tinamit xuquje’ rech ya’ik ri utzilem chi ke ri kichak pa b’anoj utzilem chi ke taq ri winaqilal rech ri tinamit ri’.
Eri Ministro rech Gobernación, Francisco Jiménez, sib’alaj xub’ij che ri k’ak’ subestación ri’ are la’ jun nim retal ya’ik uchuq’ab’ ri e’ajchajinem pa tinamit ri’. Xuquje’ sib’alaj xub’ij che ri nimaja xyakik man xaq ta ri’ kuloq’aq’ej ri kichak ajchajin tinamit, xane’ xuquje’ are kub’an uchomaxik pa aninaqil ri rajawaxik chi ke ri tinamit winaqil rech ri kechajixik.
Xuquje’ eri Taqawokajnel rech ri Ya’olchajinem pa Amaq’ xub’ij chewe subestación ri’ are kutun rib’ kuk’ ri k’ate xeyak ri’ pa taq ri tinamit rech kajipix wi ri wokaj ajchajin tinamit. Jeri’ sib’alaj xub’ij che tzij ketajin che ri chajin winaqilal ri’ are la’ nim upatanib’al katerne’x ub’anik chi la’ k’ut.
Rumal ri’, eri K’amal B’e rech ri PNC, David Custodio Boteo, xub’ij che ri qas uchuq’ab’ ri jun subestación ri’ man are ta rumal ri jun yakon nimaja ruk’ ujastaq ri’, xane’ are ri reqale’n chakunem ri’ xuquje’ are ronojel kanima’ kechakun ri e’ajchajin tinamit e taqom chi la’ k’ut.
“Eri e’are e’ajq’atb’al tzij rech ri wokajil ri’ rech kechakunik pa sak’ilal, saqilem xuquje’ pa nimaxik ri ya’tal chi ke ri winaqil tinamit, rech kakilo ri utzilal chi ke ri kemon winaqilal ri’”, xcha’ ri K’amal B’e Taqanem Custodio Boteo.
Eri k’ak’ kachoch ajchajin tinamit ke’uq’i’o ri’ e 96 chi e’ajchajinelab’ xuquje’ k’o jun k’ak’ rachoch ri k’o 14 upam taq nimaja ri’: Jacha ri Oficinas rech Atención chi ke ri Víctima xuquje’ ri Atención Ciudadana, ri nimaja rech chakuninib’al, ri kewar wi, xuquje’ ruk’ nik’aj chik upam taq nimaja k’o chi la’ rech ya’ik uchuq’ab’ ri puqtzukunem chajinik.
Eri ajchajin tinamit xejipexik pa taq ri puqtzukunem rech q’ateb’al ri k’ax, rech kakiya uchuq’ab’ ri k’amq’ab’tzij kuk’ ri kemon winaqilal rech kakub’isax kachajixik ri winaqil e jaqal chi la’ kuk’ ri winaqil che ri kepe pa wa’katenik pa k’olb’alil uxlanb’al.
Xuquje’ e xetaqik wokaj ajchajinel kechajin chi rij taq kejach’ich’ xuquje’ pa taq autopatrullas rech ri uq’atexik ri b’anoj k’ax pa aninaqil.