E 300 chi ak’alab’ kuk’ ab’om alitom, eri q’atb’al tzij rech Ministerio rech Gobernación (Mingob) kuk’ ri taqawokajil ri kimulim kib’ pa le Comisión Nacional de Prevención rech ri K’ax xuquje’ ri Makaj (CONAPRE) xkijaq ri Tijob’al rech Q’ij Uxlanib’al CONAPRE 2026, pa le Rachoch Tijob’al ub’i’ Escuela Oficial Urbana Mixta No. 440, k’o pa Alameda Norte, zona 18 rech ninimatinamit.
Eri choilchakunem ri’ are kab’an pa le oxib’ q’ij pa 27 rech noviembre ri’ rech utaqim ya’ik uchuq’ab’ ri q’ateb’al k’ax, ri mulim ib’ pa joremal jikomal xuquje’ rech ukojik k’olib’alil kub’al k’u’x rech ri kak’iyemal ri ak’alab’ xuquje’ ab’om alitom, pa ub’anik ri b’anowem rech ya’ik uq’ij ri no’jk’aslemalil, ri b’anik chak xuquje’ ri mulim kib’ ri winaqilal.
Pa le uq’ij ri jaqib’al ri’, eri ajtijoxel ri’ xek’oji pa taq ri b’anow tijonem chi ke, pa taq ri etz’anem, pa taq k’utb’al na’ojib’ tinamit ri are kab’an pa taq ri jalajoj wokajilal rech uq’atexik ri k’ax xuquje’ ub’anik ri chajinem winaqilal.
Utob’ab’al wokajil ri’
Pa le b’anik wari’ xek’oji wi rajchajinelab’ ri Subdirección General rech Prevención rech ri K’ax (SGPD), e rajchajinelab’ ri Subdirección General rech Análisis rech Información Antinarcótica (SGAIA) xuquje’ rech ri Unidad rech ri Prevención Comunitaria rech ri K’ax (UPCV), pa komon tob’anik kuk’ ri taqawokajil ri kimulim uwokik uwach ri CONAPRE.
Pa le nimaq’ij rech jaqib’al ri’ xk’oji wi le viceministra rech Prevención rech ri K’ax xuquje’ ri Makaj, al Mayda de León, xuquje’ ri subdirector general rech Prevención rech ri K’ax, a Pablo Rodríguez Ismalej. Xuquje’ xek’oji ajtaqanelab’ ri Secretaría Técnica del Consejo Nacional rech Seguridad (STCNS), ri Secretaría Ejecutiva rech ri Comisión rech Q’ateb’al Tijow Itzelal xuquje’ ri Tráfico Ilícito rech Drogas (SECCATID), ri Secretaría rech Q’ateb’al ri Violencia Sexual, Explotación xuquje’ Trata de Personas ri’ (SVET), ri Secretaría rech Planificación xuquje’ Programación rech ri Presidencia (SEGEPLAN) xuquje’ ri Consejo Nacional rech ri Ab’omab’ Alitomab’ (CONJUVE) ri’.
Ruk’ ri b’anob’alil ri’, eri Mingob pa reqale’n kichak ri taqawojajil kimulim uwach ri CONAPRE, kakib’an uloq’exik ri utz ukojik ri kiq’ij ri’, kuya’ jikomal kub’al k’u’x chi ke rech kakub’ kik’u’x chi ke ri ajchajinelab’ kuk’ ri tinamit xuquje’ are la’ katob’anik che uwokik uwach chi kij taq keriqitaj wi ri ak’alab’ xuquje’ ru ab’om alitoma e’aj iximulew ri’.