Are rech b’a’ kab’an kachb’ilaxik pa konojel taq ri winaqilal xuquje’ ri e’achalalil che ri keriqitaj pa k’axk’olil, pawe q’ij kamik xjaqitaj uwach ri ulajuj uwach rachoch k’olib’al ri Programa rech Prevención xuquje’ Erradicación rech ri Violencia Intrafamiliar (PROPEVI), k’o pa le 2 avenida 0-57 zona 1 rech ri rulewal tinamit rech Jalapa ri’.
Eri cholchak ri’ are taqom ub’anik rumal ri Ministerio revh Gobernación pa le reqale’n uchakunik ri Unidad rech ri Prevención Comunitaria rech ri K’axk’olil (UPCV). Eri cholchak ri’ tajin kub’an ri kemonchak kuk’ taq ri wokajilal rech ri taq uwokajil winaqilal ri’, rech taq tijonem, rech taq q’atb’al tzij xuquje’ rech taq utzwachinem ri’, rech kakub’isax ub’anik pa ronojel xuquje’ pa uq’ijolil taq ri k’axk’olil pa ronojel taq uwach ri’.
Eri jaqib’al uwach ri wokaj jachakub’al ri’ are xk’am ub’e rumal ri Viceministra rech Prevención rech ri Violencia xuquje’ ri Delito, Mayda De León ri’. Pa le xutzijob’ej ri’ sib’alaj xub’ij che ri uk’iyirik ri cholchak rech q’ateb’al chi ke ri winaqilal kiriqom k’ax ri’. Xub’ij eri cholchak ri’ are la’ upatan ri b’anoj ilonem, una’jilaxik xuquje’ rachb’ilaxik ub’anik ri utza b’anbikil pa amaq’ tinamit.
Eri nim nan patanel ri’ sib’alaj xub’ij che ri cholchak ri’ are katerne’xik rech kanimarisax uwach taq ri b’anoj ilonem rajawaxik xuquje’ pa k’iyal uwach ub’anik pa ronojel amaq’ tinamit. Jeri’, xub’ij che pawe junab’ ri’ are xjaq uwach keb’ wokaj jachakub’al chik.
Eri taqanel rech ri Organización Comunitaria rech UPCV, Manlio Buonafina, xub’ij che ri eqale’nchak ri’ man tojom taj, are rech kaq’atexik ri itzelalil ri ka’x chi ke taq ri winaqilal e’achalalil. Sib’alaj xub’ij che tajin upatanexik ri cholchak rech uq’atexik taq ri k’axk’olil kumal taq ab’om alitom, rech b’a’ are taqim kenimaxik ri winaqil pa tinamt xuquje’ rech uya’ik taq uchuq’ab’ ri chakunem pa wokaj winaqilal.
Pa le xub’ij, le Pablo Rodríguez Ismalej, taqanel rech ri Subdirección General rech ri Prevención rech ri Delito (SGPD) ri’ uq’ab’il ri Wokajil Ajchajin Tinamit (PNC), sib’alaj xub’ij che ri Oficina rech Atención chi ke ri Víctima ri’ kupatanij ub’anik wari’ pa le ub’anob’alil ri tob’anem pawe q’ij ri’ chi ke ri winaqil pa tinamit. Pa le ilob’anem ri’ e’are jun xek’oji ri ajchomanelab’ ri Q’atb’al tzij ri’, ri rajchomanelab’ ri Ministerio rech Gobernación xuquje’ kuk’ kajchomanelab’ ri winaqilal ri’.