Ruk’ taq utumunsaxik ruk’ taq tum, tumsu’ xuquje’ ruk’ taq ri coreografías junam utayik, rumal e pawe q’ij kimik xjaqitaqj uwach ri cholb’inem kumal taq b’andas chi uwach ri nimrachoch ri Ministerio rech Gobernación k’o pa zona 1 rech uk’u’x amaq’ nimatinamit.
Eri ilob’anem ri’ are xk’am ub’e rumal le Viceministra rech Prevención rech ri Violencia xuquje’ ri Delito, Mayda de León. Pa le jaqib’al uwach ri’, sib’alaj xya nim retal upatanib’al pa le nim ilob’anem ri’ are xya nim uq’ij uchuq’ab’ ri retal loq’ab’enem amaq’ tinamit xuquje’ ri kitatb’enik ri ab’omab’ alitomab’. Xub’ij ri’ “Eri bandas are ranima’ib’ amaq’ tinamit, kuya ki’kotemal, etz’anem ib’, xuquje’ rech uq’atexik k’ax”.
Rumal ri’, eri a Samuel Osoy, k’amal b’e rech ri Organización Internacional rech Bandas (OIB), sib’alaj xub’ij che k’o 88 chi bandas rech marcha rech wuqub’ amaq’ib’ nimatinamit: rech México ri’, El Salvador ri’, Honduras ri’, Belice ri’, Panamá ri’, Colombia ri’ xuquje’ Iximulew ri’, eri xetatb’enik pa le ulajuj uwach campeonato latinoamericano rech bandas rech marcha pa Iximulew 2025 ri’.
Pa le cholb’inem xek’oji e pa konojel e 26 bandas escolares rech jalajoj taq tinamit, xek’oji ri’ le bandas marciales, escolares xuquje’ ri show bands, ri xki’kotemirsak ri winaqial ruk’ uq’ojomisaxik taq b’ixonem xuquje’ ruk’ taq ri katz’iyaqb’alil ri’.
Ruk’ nim ki’kotemal, nim na’ik pa anima’ xuquje’ rech utatb’exik taq ri tumumsab’al, e k’ilaj taq e’ajtijoxel xepe pa jalajoj taq rachoch tijob’alil rech ri amaq’ tinamit ri xkimol kib’ pa le nimaq’ij ri’, jeri’ ri e kachalalil, e wa’katel taq winaqib’ xuquje’ ri e ajka’yenelab’ ri xkimol kib’ pa uwi’ taq b’inb’alil rech xelajen chech ri kilik xuquje’ rech xkiyak kanima’ ri e ab’om e alitom xeq’ojomanik xuquje’ ri kow xkitak’inaj taq kaqan pa ya’ik nim ki’kotemal pa uk’u’x ri nimatinamit. Eri k’olib’emal ri’ are sib’alaj e chajim kumal ajchajin tinamit rech xkikub’isaj kuwach konojel ri winaqilal xetatb’en pa nimaq’ij ri’.