Eri’ k’ak’ subestación 13-5-4 rech ri Wokajil Ajchajin Tinamit (PNC) kunimarisaj ri b’anoj chajinem pa tinamit, rech ya’ik kachajinik ri Amaq’ ri’ xuquje’ rech kunimarisaj ri kachajxik ri winaqilal pa San José Pinula, Iximulew. Eri e’ajchajin tinamit che ri keriqitaj pa le rachoch chajin tinamit ri’ kakib’an k’ilaj taq puqtzukunem rech uq’atexik taq ri b’anow k’ax, rech kakikub’isaj kik’olemal ri winaqilal pa uq’ab’ tinamit ri’.

Eri k’ak’ k’olib’al chajinem ri’ k’ak’ ri rachoch ri’ ri k’o jun nimaja chi upam rech kek’ul wi apan ri winaqil rech kechomaxik, k’o ri jachakub’al chi upam, k’o warib’al chi upam, xuquje’ k’o jun nimaja rech riqon ib’ xuquje’ k’o nik’aj chik nimaja chi upam rech are la’ kaloq’oxik ri kichak e’ajchajin tinamit. E k’o uch’ich’ patrullas, ukejach’ich’ xuquje’ ri kichakub’al rech kechajin chi ke ri winaqilal pa chi la’ pa tinamit.

“Eri chajinem ri’ rech ta kab’an chajinik pa taq ri jachakub’alil, are la’ kab’an pa rulewal tinamit ri’, pa utaqib’al ri taqom chak xuquje’ ri are kab’anik. Chi kijujunal ri reqa’lenel ri PNC ri kechajinik pa le uk’olib’alil, e’are ri winaqil e’ajchajinel ri’ ri kakib’ano rech kub’an upatan ri Amaq’ ri’”, xcha’ le ministro rech Gobernación, Marco Antonio Villeda, pa le utzij xub’ij are chi’ xjaq uwach ri subestación ri’.

Sib’alaj xub’ij ch eri k’ak’ rachoch chajinem ri’ man xaq ta ri’ jun chi nimaja, xane’ are rech kub’an puqtzukunem chajinik, rech kachajiik xuquje’ rech pa aninaqil kub’an ri kachajixik ri winaqilal ri’. Xub’ij chik che ruk’ ri cholchak ri’ kuk’utu che k’o pa ucholaj ri chak kub’ano. “Eri rachoch chajinem ri’ man rech taj jun banow opanb’al chi’, xane’ are jun k’olib’alil rech kab’an uuya’ik uchuq’ab’ ri chajinem pa uq’ab’ tinamit ri’”, xcha’.

Rumal ri’ eri k’amal b’e rech ri PNC, Custodio Boteo, xub’ij che ri subestación ri’ are k’o pa jun k’ulb’al ib’ pa uq’ab’ tinamit ri’, rech kab’an ri chajinem ri’ xuquje’ rech katoq’axik ub’anik pa aninaqil ri uq’atexik k’ax ri’. “Eri chinaqaj kariqitaj wi chi ke ri winaqila rech k’ax taj kab’an ri chajinem pa le kemon tob’anik xuquje’ rech ya’el ub’ixik pa aninaqil, are la’ retalil nim upatanib’al pa le uq’atexik taq ri b’anow k’ax ri’”, xcha’.

“Eri k’ak’ nimaja rech chajinem man xaq ta ri’ rech ke’opan e k’ilaj e’ajchajinelab’ chi la’, xane’ are rech kab’an jun ri chajinem pa wokajil rech uq’atexik ri k’ax , rech katanab’ax ri b’anoj taq taq k’ax ri’. Ruk ub’anob’alil ri’, are kataqix uq’atexik ri b’anoj k’ax ri’, rech kataq ub’anik ri chajinem ri kanajtib’ naj uq’ijol ri’”, xcha’ri Custodio Boteo.

Eri Johnny Ayala Toledo, ajkalte rech uq’ab’ tinamit, sib’alaj xub’ij che ri wokaj chak ri’ ruk’ ri Taqawokajnem rech ri Ya’olchajinem pa Amaq’ are rech kajaq uwach ri rachoch ri chajinem ri’ xuquje’ xub’ij chik che ri winaqilal chi la’ rech pa kub’al k’u’x kakina’o kek’oji pa le kik’olemal ri’ rumal chanim k’o chikinaqaj ri subestación ri’.

Pa le umajtajik ri puqtzukunem pa le subestación ri’ xuquje’ are la’ kuya uchuq’ab’il ri ub’anob’alil choman b’anow taqanikpa tinamit rech kaya’ uchuq’ab’ ri chajinem pa le tinamit ri’, rech k’o ucholalejil ri tinamit pa tinamit, rech kab’an  ri q’atow tzij ri’, xuquje’ rech kab’an ri utzilaj patan ri’.