Are rech b’a’ ya’el uchuq’ab’il ri patanil rajawaxik rech kowlaj ri uq’atexik ri b’anow k’ax pa kachoch ri e’alaxik, rumal ri’ eri Ministerio rech Gobernación, pa reqale’n uchak ri Unidad rech ri Prevención Comunitaria rech ri Violencia (UPCV), xujaq uwach ri nmaja rech uk’olib’alil ri Programa rech Prevención xuquje’ rech Q’ateb’al ri Violencia Intrafamiliar (PROPEVI) pa Cobán, Alta Verapaz ri’. Eri jachakub’al ri’ k’o pa le 6 avenida xuquje’ 2a. calle rech ri zona 3 ri’. Ruk’ ujaqitajik ri’ chi la’ k’ut kab’an wi ri ilonem rajawaxik chi ke ri winaqilal rech ri tinamit chi la’.
Eri cholchak ri’ are rech kub’an kemonchak kuk’ taq ri wokajil rech ri kechajinik, rech ri ketijonik, rech ri kakiq’ato tzij xuquje’ rech ri utzwachil ri winaqilal ri’, rech kakub’isax ub’anik ri ilonem pa juntir ta ub’anikil rumal taq ri k’ax tajin kab’an chi ke ri ixoqib’ pa juntir ri’. Jeri’ xmajtaj ub’anik ri tijonik kech taq ri tat nan xuquje’ ri ub’anik kina’ojixik pa keb’ uwach ub’anikil tzij ch’ab’al chi ke konojel ri winaq ri rajawaxik chi ke ri’.
Eri viceministra rech Prevención rech ri Delito, Mayda de León, xub’ij che ruk’ ri nimaja k’olib’al ri’ are la’ ri ujulajuj chik e kaqom chik pa rulewal tinamit. Sib’alaj xub’ij che ri cholchak ri’ are ri kojom ri’ rech ya’el ub’xik ucholaj chi ke ri winaqil chi rij taq ub’anikil k’ax xuquje’ sib’alaj xub’ij chi k’o nim upatanib’al ub’ixik chi ke ri winaq kiriqom ri k’ax jeri’ chi ke ri e’ajb’anol ri k’ax ri’. Jeri’ ya’el ub’ixik ucholajil chi k’o nim upatanib’al ri ilonem nimanik b’anom rumal ri’ xeb’usik’ij ub’kixik chi ke ri wokaj winaqilal rech pa kemonchak q’ab’ kakipatanij ub’anik ri ilonem kanimaxik ri winaqil, xuquje’ xkisik’ij ub’ixik chi ke ri winaqilal ri’ rech kechakunn b’a’ pa le cholchak rech q’ateb’al k’ax ri’.
Rumal ri’, eri ajtaqanel b’anow rech Prevención Comunitaria rech ri Violencia (UPCV), Nicolás Reanda ri’, sib’alaj xuya ub’ixik che rajawaxik b’a’ kab’an utzil kanimaxik ri winaqil pa tinamit, pa ilonem rajawaxik chi jujunanil ri winaqil xuquje’ pa le kachi’laxik ri jujun taq winaqilal.
Rumal ri’, eri taqanel rech Atención chi ke ri Víctima rech ri Wokajil Ajchajin Tinamit (PNC9, Lilian Alvarado ri’, sib’alaj xub’ij che ri kemonchak tob’al ib’ are kuya nim uchuq’ab’ rech kab’an ri prevención comunitaria pa taq ri k’i uq’ab’ taq tinamit rumal ri nim tinamit ri’, sib’alaj xub’ij uchoalj che ri kemonchak pa taqawokajil are ri’ jun b’anob’alil rech kuya uchuq’ab’ ri chajinem xuquje’ ri ilonik pa juntir ub’anikil chi ke ri winaqilal ri’.
Pa le riqob’al ri’ xk’oji ri diputada alma Luz Gerrero, ri Gobernadora Departamental rech Alta Verapaz Dilia Có, xuquje’ ri taqanel rech ri Subdirección General rech Prevención rech ri Delito rech ri PNC, Pablo Rodríguez ri’.