Rech kaya’ nim uchuq’ab’il ri yakob’al pa Wokajil Tz’apib’al Ja, eri q’atb’al tzij rech ri Ministerio rech Gobernación (Mingob) xuquje’ rech ri Ministerio rech ri Defensa Nacional (Mindef) xkijuch’ uwach ri jun nuk’chomab’ rech kayakik jun tz’apib’al ja rech sib’alaj kechajix wi ri e’ajpache’ pa Izabal ri’.
Eri nuk’chomab’al ri’ are xjuch’ rumal ri taqawokajnel rechr i Mingob, Marco Antonio Villeda xuquje’ ri uk’exel ajpatanel rech ri Mindef, Henry Saenz. Eri riqon ib’ chomanem ri’ xb’an pa le Salón Mayor rech ri Taqawokajnem rech ri Ya’olchajinem pa Amaq’. Ruk’ wa’ are kaya’ jun nim q’axenik pa le ub’anik ri taqon chajinem pa Amaq’, are chi’ kab’an rech kab’an ri chak xuquje’ ri puqtzukunem kumal taq ri wokajilal rech pa uq’atexik taq ri itzelal pa ub’anik ri chajinem ri’.
Eri cholchak ri’ are la’ rajawaxik kab’anik rech kayak ri k’ak’ rachochib’al ri japache’, ri kub’alil xuquje’ ruk’ ri xtaq ub’anik kumal taq ri amaq’ib’nimatinamit, rech ke’uq’i’o ketz’apib’wi ri e’itzelalaj taq winaq rech ketz’apib’, rech kakititz’o ta kib’ chi’ xuquje’ rech utz ri ketz’apib’ wi pa tz’apib’al ja pa amaq’ tinamit ri’. Eri q’atb’al tzij sib’alaj xkib’ij chi k’o nim upatanib’al rech kab’a ri kemonchak ri’ kumal ri taqawokajil rech kab’an ri utz chajinem ri’ xuqje’ rech kak’oji pa ucholalejil ri tz’apinik pa le wokajil japache’.
Eri Ministro Villeda xub’ij che “pa k’ilaj taq junab’ ri’, eri Wokajil Japache’ xuya kanoq ub’anik ri qas uchak ri’; man kaqawajo ta rij ri’. Eri tz’apib’al taq ja ri’ xkiya’ kanoq ub’anik ri kichak rech jamal ketz’apib’ wi ri winaq ketz’apixik xuquje’ eri xub’an ri’ rech chi la’ chik kab’an wi loq ri b’anoj taq k’ax kumal ri e tz’apilik, eri xkib’an ri’: b’anow taq toq’inik pwaq, b’anoj taq k’ax xuquje’ rech xkib’an wi loq kaxib’ixik taq ri winaqilal e’aj iximulew ri’”.
Xuquje’ sib’alaj xub’ij “che ri cholchak ri’ man xaq ta ri’ rech k’o ri nimaja kayakik xane’ are rech kab’an pa suk’ilal ri kitaqanik ri q’atb’al tzij jacha ri kipatan pa Amaq’ xuquje’ rech kub’an jun q’atb’al k’o pa usuk’ilal ri taqanem. Xuquje’ rech kakubisax chik kik’u’x ri winaqilal, rech ketijoxik xuquje’ rech kak’ut chi ke che ri b’anob’alil ri’ are k’axtelej uwach ri’”, xcha’ ri tat a Villeda.
Eri uya’ik ri nimaja tz’apib’al ri’ rech ketz’apib’ wi ri e’ajpache’ are ri kayak kumal ri Cuerpo rech Ingenieros rech ri Taqawokaj rech Ajchajin Amaq’ Iximulew.
ri kanajtib’ jun junab’ rech kayak wiri’, ri kunimaj uwach ri ub’anob’alil ch’ob’om kumal taq ri amaq’ib’ nimatinamit xuquje’ pa le utoq’axik ub’anik uyakik taq ri tz’apib’al ja ri’ le sib’alaj chajital ri’.