Ruk’ kaq’axexik ri jun puq e’ajpache’ pa le Centro rech Detención rech Máxima Seguridad rech Hombres “Renovación I” k’o pa Escuintla, xk’is kaq’axexik ri nab’e puq ri’ pa le k’ak’ tz’apib’al rech ri k’ak’ rachoch japache’ pa Iximulew. E’are wa’ ri e tz’apilik ri’ e tz’apim k’ut pa le Granja Modelo rech Rehabilitación Pavón, pa Fraijanes, Iximulew ri’.
Le ministro rech Gobernación, Francisco Jiménez, sib’alaj xuya utzijol chi k’o jun tzukunem xb’an pa le rachoch japache’ rech Pavón rech xeq’axexik ri winaq e tz’apilik ri’ e’are k’ut ri e nab’e xeq’axexik pa le Renovación I. Xuquje’ le Jiménez xub’ij, che ri puqtzukunem ri’, k’o jun nimalaj retal ri chajinem kaq’atexik ri xb’anoj k’ax xb’an ri’ pa le tz’apib’al japache’ ri’.
Rumal ri’ eri Ajtaqon Ya’olchajinem pa Amaq’ ri’ xub’ij che xmajtaj wa’ ub’anik ri’ rech le segunda fase rech “Renovación II”, rech kab’an ri chajinem pa jun chik rachoch tz’apib’al ri’, rech kaq’axexik ri winaq e tz’apilik ri’, rech kab’an usuk’umaxik xuquje’ rech kaya uchuq’ab’ ri b’anoj chajinem pa tz’apib’al ri’.
Pa le puqchajinem tzukunik xek’oji e 4 mil chi reqa’lenel ri Wokajil Ajchajil Tinamit (PNC) xuquje’ ri Grupo Élte rech ri Wokajil Tz’apib’al Winaq (SP), ruk’ katob’anik ri Binomios K-9, xuquje’ ri xkib’an jun nimalaj solinem pa taq le tz’apib’al winaq ri’ rech pa le utzukuxik ri awan jastaq che ri are kakoj kumal ri b’anol taq k’ax ri’.
Chajinem pa tz’apib’al winaqib’
Le k’ak’ taqanem pa wokaj japache’ tz’apib’al are la’ jun retal okem pa le k’ak’ b’anon utaqanik ri Wokom K’amal B’e Iximulew ri’ pa le uchakunikle Ministerio rech Gobernación (MINGOB) rech kab’an jun chajinem pa le japache’ tz’apib’al ri’, rech uq’atexik taq ri b’anoj k’ax xuquje’ ruk’ ri k’ax kab’an pa rachoch taq tz’apib’al ri’.
“Qonojel sib’alaj qeta’m k’ut che runimal le b’anoj toq’inik pwaq ri’ ruk’ nik’aj chik b’anoj k’ax are rachoch taq tz’apib’al kab’an wiri’ kumal ri e tz’apilik, rech kaq’atexik kaq’atexik k’a chi saq chi rech ri rachoch taq japache’ tz’apib’al, Rumal k’ut eri tz’apib’al japache’ ri’, man rech uxulanib’al chi la’”, xcha’ le ministro Jiménez.