Eri MISES sib’alaj xutzijoj che nim uq’ij ri ucha’ik ri k’amal b’e rech uq’atexik k’ulmatajem k’ax, rech chajim ri k’olib’al cha’onik xuquje’ rech kakub’isax ri b’anow chajinem pa taq le q’ij rech cha’onem pa tinamit.
Eri ministro rech Gobernación, a Marco Antonio Villeda, xtatab’enik pa le k’utb’al ri Mesa Interinstitucional rech Seguridad Electoral (MISE), tajin ub’anik pa reqale’n ri Tribunal Supremo Electoral (TSE), rech kataqixik ri tob’anik komonchak rech uq’atexik taq ri k’ax wexa’ kak’ulmataj pa le q’ij rech Nimcha’onem pa Amaq’ ruk’ kicha’ik ri Ajtaqanib’al rech Parlamento Centroamericano de 2027 ri’.
Eri wokaj chomanem ri’ kub’an ri chakunem kuk’ ri wokajilal rech ri Amaq’ rech kutz’ib’aj, kuq’atij, kuchomaj xuquje’ kub’a ri chajinem pa le uq’ij cha’onem pa qatinamit. xuquje’ kub’an ri komonchak pa taq ri tinamit, pa uq’ab’ tinamit, jacha ri rajawaxik ri kab’an wi cha’onem.
Pa le riqon ib’, eri ministro Villeda sib’alaj xub’ij eri b’anik taq ri chak rumal ri Ministerio rech Gobernación (Mingob) kuk’ ri q’atb’al tzij rech cha’onem pa tinamit, rech utaqixik ri komonchak, rech le rilik taq ri k’olib’al kab’an wi ch’ojinik pa uq’ij cha’onik ri’ rech kakub’isax ub’anik ri chajinem pa taq ri k’olib’alil rech cha’onem xuquje’ chi ke ri winaqilal.
Eri q’atb’al tzij rech ri Mingob xutzijoj uya’ik uchuq’ab’ pa le chakub’al chajinem pa uq’ij ri cha’onem pa tinamit rech pa kub’al k’u’x jikomal kab’antaj ri’, pa le b’anow komonchak tob’anik kuk’ ri taqawokaj e’ajpataninel ri’.
xuquje’ xub’ij che le rilik ri chak b’anom ri’ are la’ kuya pa retalil uq’atexik ri k’axk’onem, rech ya’ik uchuq’ab’ ri q’ateb’al k’ax pa aninaqil ri’, are la’ maja’, pa le q’ij xuquje’ q’axenaq chik ri uq’ij ri cha’onem.
Pa le chomanem ri’ xetatab’enik rajchomanelab’ ri Ministerio rech ri Defensa Nacional (MDN), ri Ministerio rech Educación (Mineduc), ri Ministerio rech Comunicaciones, Infraestructura xuquje’ Vivienda (CIV), ri Ministerio rech Energía xuquje’ Minas (MEM), ri Ministerio Público (MP), ri Wokajil Ajchajil Tinamit (PNC), ri Procuraduría rech ri Derechos Humanos (PDH), ri Secretaría Ejecutiva rech ri Coordinadora Nacional rech ri Reducción rech Desastres (CONRED), ri Dirección General rech Protección xuquje’ Seguridad Vial (PROVIAL), kuk’ nik’aj chik taqawokajil e’ajb’anol ri chajinem pa ronojel tinamit.
Eri MISE wokajil ri’ kuub’an ri uchak ri’ k’a are chi’ ke’ok ri k’ak’ q’atb’al tzij k’amal b’e pa 20227. Ruk’ utob’anik ri Mingob ri xkub’isaj ri b’anik ri chak ri’ rech ya’el uchuq’abh’ ri komon wokajilal, rech uq’atexik riqon k’axk’onem xuquje’ rech katob’anik pa uq’ij ri cha’onem pa tinamit rech kab’an pa jikomal kub’al k’u’x, pa joremal xuquje’ pa nimaxik tzij ri’.