“Are wa’ xutaq ub’anik ri ministro, kojtajin k’ut che uterenb’exik upatanexik ri q’atel k’ax ri’ pa le uq’ijol tojob’al ri Bono 14 ri’, rumal ri’ kojtajin che b’anoj chajinem pa taq ri k’ayib’al xuquje’ pa taq nik’aj chik k’olib’em pa we Amaq’, jeri’ pa le uwa’lijsax uwach ri winaqilal rech pa q’atel k’ax ri’”, xcha’ ri Portillo Cordón-.
Xub’ij chik, sib’alaj toq’im ub’anik ri patanem ri’ rumal ri’ xkoj ri Comisión rech Prevención Comunitaria pa le Mercado Sur, ruk’ ri kipatan ri komon e k’amol b’e kech ri e ajk’ayinelab’ ri’, pa k’isb’al rech xkib’an jun wa’katem usolixik ri ya’olchajinem chi’.
“Chomam k’ut ukojik ri tzijoj saqilal chi’ kuk’ ri e ajchajil tinamit ke’ilon (PNC), xuquje’ xkiya’ ub’ixik ri rajilab’al ch’aweb’al rech we k’o ub’ixik pa aninaqil ri’, pa le 110 xuquje’ pa le ch’aweb’al rech anti extorsiones ri’, ruk’ nik’aj chik b’anoj chajinem”, xcha’ ri tercer Viceministro ri’.
Eri Cesar Mayén, k’amal b’e rech ri Mercado Sur II, xub’ij, “We q’ij kamik kamajtaj ukojik ri cholchak rech q’atel k’ax, ruk’ utob’anem ri Ministerio rech Gobernación (Mingob), ri k’o nimalaj tob’anem kab’an kumal ri ajchajil tinamit pa le k’ayib’al ri’”.
Ruk’ ri ya’olchajinem are la’ kakub’isax ri ya’olchajinem chi ke ri e ajk’ayinelab’ xuquje’ ri winaqilal pa konojel ri’.