Rech b’a’ k’o jun nim utzilem tob’anik kub’an pa le uto’ik uwach kirajil ri ajchajil tinamit tajin uterenb’exik ub’anik wa’ ruk’ ri B’anoj Ub’eyal Uloq’axik pa le Transformación Policial ri’ paq’ij kamik 8 rech junio ri’ xkoj ri quinto comedor pa le Unidad Aérea rech ri Ministerio rech Gobernación (Unagob), zona 13 uk’u’x nimatinamit. Are tob’anik kaya chi ke e 200 chi ajchajinelab’ ri’.
Eri Ministro rech Gobernación (Mingob) ri’ xub’ij che ri kiwa rech tzuqub’al kech ri’ are la’ b’anom rumal jun chek profesional rech kub’an ri rajwaxik kaya chi ke ri ajchajinelab’ rech pa utzilem kakib’an ri kichak pa le Unidad Aérea rech ri Taqawokaj Ya’olchajinem pa Amaq’.
Eri comedor ri’ unimam ub’anik ri retal b’anoj jacha pa nimatinamit pa uwachulwe xuquje’ kunimaj che saqilal rech kab’an ri kiwa rech saqarib’al, rech panik’aj q’ij xuquje’ rech kisanar ri tojom taj. Xuquje’ sib’alaj jamalik ri kewa’ wi ri e ajchajil tiamit.
Ri chajinem pa kaqiq’
Eri uchakunik ri Unidad Aérea rech ri Mingob are nim upatanib’al pa le ub’anik ri ya’olchajinem rech uq’atexik taq ri b’anoj k’ax, rech uq’atexik ri narcotráfico ri’.
Xuquje’ sib’alaj tajin ub’anik ri puqchajinem chakaj pa kaqiq’ rech ketob’an chi ke ri wokaj ajchajinel rech ri PNC ri keriqitaj cho taq ulew pa le ya’olchajinem winaqil. Xuquje’ rech e k’o pa aninaqil che rilik wexa’ k’o ri k’axk’onem kak’ulmataj tane’ rech ketob’anik rech kakik’am b’i e yowab’.
Ri qas xq’atataj ri’
Pa le utz b’anonem ri’ xkojik ri quinto comedor ri’ chi’ k’u ri’ eri Ministro rech Gobernación xrecheb’ej ub’ixik chi k’o jun utzilaj b’anonem xb’antaj kumal ri rajchak reqa’lenel ri Unagob ri’ pa le uk’amik loq ri jun achi ub’i’ xchap ub’i’ kab’ixik extraditable Cruz Antonio Gálvez Hernández, alias “Don Cruz o El Patrón” ri’, k’a Petén ri’ xk’am b’i pa le Unidad Aérea del Mingob, zona 13 uk’u’x nimatinamit.