Xk’is ri b’anoj tijonem pa le Escuela Policial rech Vacaciones 2025, pa upatanexik ri jun cholchak rech uwa’lijsaxik ri utzilaj uxlanb’alil rech chi ke ab’om alitom rech Iximulew. Eri cholchak ri’ xe’umol e jok’al (100) chi alaj taq ak’alab’, taq ala taq ali xuquje’ ri e q’apojil, ri xya’taj ri tzijob’el chi ke rech tijoninem chi rij uq’atexik ri b’anoj k’ax, rech xetaqchi’xik rech man kakitij ta ri awan kunb’al ri’, pa saqilal b’a’ kakikoj le uwachwuj pa kaqiq’ ri’, xuquje’ rech ukojik pa suk’ilal nik’aj chik b’anob’alil ri’.
Eri subdirector General rech Prevención rech ri Delito rech ri Wokajil Ajchajin Tinamit (PNC), Pablo Rodríguez Ismalej, are xnab’ej che ub’anik ri okem nimantzij rech utz’apixik uwach ri cholchak ri’. Pa le utzij xub’an ri’, xub’ij chi k’o nim upatanib’al ri cholchak ri’ rech kepixb’axik ri ak’alab’ xuquje’ ri e q’apojil rech ketatb’enik pa taa ri b’anob’alil rech ketob’an pa uyakik uwach ri jun utz amaq’ tinamit. Eri b’anowem ri’ are xb’an pawe q’ij ri’ pa le Escuela Oficial Urbana Mixta No.55, k’o pa le colonia Lavarreda, zona 18 capitalina ri’.
Pa taq ri k’uttijonem ri’ xuquje’ xya ri utz chakub’alil chi ke ri ak’alab’, q’apojil rech kakijipij ri eta’manik xuquje’ ri loq’ no’jk’aslemal pa taq ri kik’olib’al katinamit. Xuquje’ xb’an ri tzijob’el rech uq’atexik k’ax, rech ri retz’b’axik xuquje’ rech b’anon choletz’anem xuquje’ rech kak’amsax le b’iw b’ixik ri’, rech k’o ri kub’al k’u’x ch ke ri e’ajchajin tinamit, rech xaq kesaq’arib’ ri’ rech kakeche’j le kiq’ij ri’.
Eri cholchal chak ri’
Eri uq’ijol ri tijoninem ri’ are xb’an kumal ri’ le reqa’lenelab’ rech ri Subdirección General rech Prevención rech ri Delito (SGPD) rech ri PNC, rech ri 10 rech noviembre pa le nab’e q’ij rech diciembre rech pa junab’ ri’. Eri utzijob’exik chi ke ri ak’alab’, e q’apojil ri’, kuk’ ri kitat nan ri’ are ri’ k’o nim upatanib’al rech kaya uchuq’ab’il ri b’anob’alil rech uq’atexik ri b’anoj k’ax, rech kechajjixik ri winaqilal xuquje’ rech kakub’isax ub’anik ri chajinem pa amaq’ tinamit.