Eri wokaj ajchajin tinamit xekowon che ukub’isaxik uwach ri chajinem pa rachoch japache’ ub’i’ Centro rech Detención rech Máxima Seguridad Renovación I, k’o Escuintla, are chi’ xkitukij kib’ xech’ojin pa k’isb’al q’ij wuqq’ij ri’. Kimik k’ut, xb’an le rilik ri b’anoj chajinem ri’ ri katajin pa ujikomal ri’ rech uq’atexik taq ri k’ax xk’ulmataj pa le japache’ tz’apib’al ri’.
Le Ministro rech Gobernación, Francisco Jiménez, pa le uwachwuj pa kaqiq’ X, sib’alaj xuya utzijol che ri winaqil e tz’apilik xkaj tane’ xikich’ojij rech kaya loq’aq’eb’al chi kech. “Achijab’, ix ix tz’apil chi’, man pa uxlanb’al taj . Xuquje’ ix k’o pa uq’ab’ taqanik, rech kinimaj utojik imak ri’, pane’ man utz ta kiwilo”, xcha’.
Xuquje’ le Taqawokajnel rech ri Ya’olchajinem pa Amaq’ xub’ij che ri jastaq utzilem chi kech ri e tz’apilik kesax ri’ rumal ruk’ wa’ xkib’an ri k’ax elaq’ chi kech ri winaqilal. Xuya utzijol ub’ixik che xkesaj ri winaq e’ajsolinel che ri xeyut kanoq chi la’ pa ri japache’.
Rumal b’a’ che pa aninaqil xe’opan ri Grupo Élite rech ri Penitenciario (SP) xuquje’ rech taq unidades especializadas rech ri Wokajil Ajchajin Tinamit (PNC) e’are k’u ri’ ri xekowon che uq’atexik ri k’ax ch’ojinik pa japache’. Rumal la’, xq’atexik kopanik ri winaq kakich’ab’ej kachalal pa ronojel ri japache’ ri’.