Pa jun uloq’axik kiq’ij kichak ri ajchajinelab’ rech Wokaj e Ajchajil Tinamit (PNC) ri xekamik are chi’ ketajin pa b’anoj ya’olchajinem, e are ri’ qas e loq’ taq winaqib’ ri xkiya kib’ pa le kamikal rech pa le kachajixik ri winaqilal xuquje’ ri b’anoj ya’olchajinem pa tinamit, paq’ij kamik xb’an kana’texik ruk’ ukojik le plaquetas ruk’ taq kib’i’ tz’ib’am chi uwach taq, pa le Galería rech Honor rech ri Dirección General rech ri PNC, rech ya’ik uq’ij ri kichak xkib’ano ruk’ ronojel taq kanima’, pa utzilem, kimach’ach’il xuquje’ pa le unimaxik ri amaq’ tinamit.
Eri Viceministro rech Tecnología rech ri Información xuquje’ rech Comunicaciones ri’, William Cameros, sib’alaj xuya utzijol upatanib’al rech kaloq’ax uwach na’tib’al ri kichak xkib’an ri e loq’ taq e ajchajinelab’ ri xekam che unimaxik ri b’anoj chajinem, rech kana’texik e utz winaq ri’, ri ruk’ ronojel kanima’, xkichajij ri winaqilal. Xuquje’ xumaltyoxij chi ke ri ajchajil tinamit rumal ronojel kichuq’ab’ kanima’ kakichajij ri winaqib’ pa tinamit Iximulew.
Rumal ri’ eri K’amal B’e rech ri PNC, David Custodio Boteo, xub’ij che ri jun taq achijab’ tz’ib’atal kib’i’ pa le plaquetas are retal xkiya kib’ pa le kamikal, rech pa le kachajixik ri winaqilal ruk’ ronojel kanima’ tijowchuq’ab’ tijowk’ax ri’. sib’alaj xu’ij “eri e loq’ winaq ri’ e are sib’alaj xkito’o’ ri ya’tal pa kik’aslemalil ri winaqilal xuquje’ ri xkito’o ri b’anoj chajinem pa tinamit Iximulew”.
Are chi’ xk’is ri nimatzijonem rech xna’texik ri utz chak xkib’an pa kik’aslemal pa le k’isb’al junab’ ri’, rumal ri’ eri wokaj ajchajil tinamit xkitaqij uwach ri panteón rech ri PNC, k’o pa le Cementerio General rech ri nimatinamit, rech xkitik’ib’a chi’ ri kotz’i’j k’o pa taq k’olib’al pa uwi kimuqib’al ri e loq’ winaq xekam pa le 27 junab’ chik pa uchakunik ri PNC ri’ pa le b’anoj utzil pa tinamit aj iximulew.
Eri K’amal B’e Custodio Boteo xub’ij che ri e loq’ winaq e kaminaq ri’, chi’ e uxlaninaq wi kichak’ul kiq’ab’il kakik’el pa le muqib’al ri’, man xaq taj xe’ulik e ajchajinel ri’, xuquje’ rech xek’oji pa chajinem rech ya’ik utzil joremal pa tinamit, pane’ b’a’ rech tijowchuq’ab’ k’ax pa le kachajixik ri winaqilal. “Eri kipatan kib’anom eri tijok’ax tijowchuq’ab’ kib’anom, man kisach ta ri’, pa amaq’el e na’tilik che e loq’ winaq ri’ xuquje’ e k’o pa qajolom, pa qachomab’al xuquje’ pa le qanima’ ri’ qumal uj ri xqeta’maj kuwach xuquje’ ri xujchakun kuk’ ri e are”, sib’alaj xcha’.