Eri wokom K’amal B’e Amaq’ xmaj chi b’i jo’lajuj ri b’anoj Korlim Chajinem rech Q’ateb’al K’ax pa taq ri tinamit rech Iximulew, pa Escuintla, pa Petén, pa Izabal ri’, pa San Marcos ri’, pa Chinab’jul ri’ xuquje’ pa Sacatepéquez ri’, rech kaya uchuq’ab’il ri chajinem xuquje’ rech kaq’atexik ri b’anow k’ax pa amaq’ tinamit.
Eri k’amal b’e amaq’ tinamit Bernardo Arévalo xub’ij e pa le nimatzijolinem ub’i’ “La Ronda” che ri xtaq ub’anik ri’ are la’ xchomaxik pa le riqonem ib’ kumal ri Consejo rech Ministros. Ruk’ wari’ are ya’tal uterne’xik ri b’anow taq puqtzukunem chajinik ri b’anom ri’.
Jacha ri kakib’ij ri q’atb’altzij, eri ya’k uwi uq’ijol ri’ are rech taqim ri chajinem pa rulewal amaq’ tinamit ruk’ taq b’anow kemonchak pa taq ri k’olib’alil ri’, jacha pa taq k’ulb’a’t juyub’ rech pa amaq’. Rumal ri’, eri wokajil ajchajin tinamit sib’alaj keriqitaj pa chajinem pa taq nimab’e, pa taq tinamit xuquje’ pa taq k’olib’alil ri’, ruk’ kitaqik ri e’ajchajin tinamit ri’, pa le puqtzukunem pa amaq’el xuquje’ pa ukojik taq uk’olib’al ri chajinik ri’.
Pa le chajinem ri’ kab’an le rilik kiwujil kitzijol ri winaqilal xuquje’ ri ch’ich’ kib’insam, are wa’ pa b’anow kemonchak ruk’ ri Wokajil Ajchajin Amaq’ ri’, ruk’ wa’ are taqim uq’atexik ri b’anow k’ax ri’, rech kechap uwinaqil taq ri molaj b’anol k’ax xuquje’ rech kakub’isax ub’anik ri kachajixik ri winaqil ri’ pa le uq’ijol kanajtib’ ri b’anon korlim chajinem ri’.
Ruk’ ri b’anow chomanem ri’, eri Wokom K’amal b’e Amaq’ sib’alaj xub’ij che ri kataqim ub’anik are ri q’atenik k’ax xuquje’ ri b’anow chainem pa rulewal amaq’ tinamit uwach k’ut ri b’anow taqanib’al ri chajinem ri’.