Pa una’texik ri Kiq’ijol ri Ajkejach’ich’ pa Tinamit, eri Sección rech Educación Vial rech ri Departamento rech Tránsito rech ri Wokajil Ajchajin Tinamit (PNC) xkib’an upatanexik jun uq’ijol rech xkipixab’ej ri e’ajb’insal kejach’ich’ che ri kewa’katjaik keq’ax pa taq utzal b’e uxo’l b’e rech pa uk’u’x le nimatinamit, pa le zona 1 rech uk’u’x nimatinamit.
Pa le pixb’anem ri’, eri ajchajinel ajtijonelab’ rech k’utb’e ri’ xkib’an kapixb’anik ri e’ajb’insal kejach’ich’ ri’, rech sib’alaj xkiya utzib’ixik chi k’o nim upatanib’al rech kakikoj ri tob’al kijolom taqom kakikojo, che kakinimaj kakirumumij ta kib’, rech maqaj kiwach chi rij ri kikejach’ich’ kib’insam, are la’ rech uq’atexik riqonem k’ax pa nimab’e xuquje’ rech kakito’o ri kik’aslemal.
Ruk’ ri kaq’alik ri’, eri Departamento rech Tránsito rech ri PNC are ri’ kuya kukoworisaj ub’anik ri kaq’alik ri winaq xuquje’ rech tijoninem rech ub’antajil wa’kateb’al pa nimab’e, rech pa utzilem jikomal kakib’insaj ri kich’ich’ ri e’ajb’insal kejach’ich’ xuquje’ konojel ri winaqilal kewa’kat pa nimab’e pa tinamit.