Eri K’olib’em rech Tijonik pa le Escuela rech Formación rech Oficiales rech Ajchajin Tinamit (ESFOP) rech ri Wokajil Ajchajil Tinamit (PNC) chi la’ k’ut xb’an wi kamik ri moloj ib’ rech jaqib’al uwach ri Quincuagésimo Sexto Curso Básico rech Formación rech Reqa’lenel Ajchajin Tinamit ri’, ri e 619 chi achiijab’ xuquje’ chi ixoqib’ ri’, jeri’ kuwach rech ri Décimo Noveno Curso rech Capacitación rech Ascenso chi ke Subinspector rech Ajchajin Tinamit ri’, jeri’ chi ke e 296 chi reqa’lenel ri ajchajil tinamit ri’.
Eri Ministro rech Gobernación Francisco Jiménez, are xuk’am ub’e ri okemaltzij, xub’ij che ri are k’o chi la’ pa ronojel ri puq chakunem rech ri Taqawokajil rech ri Ya’olchajinem pa Amaq’ xuquje’ ri PNC, pa uq’ab’ reqele’n k’o wi ub’anik ri ub’e’al ri ya’olchajinem ri’, rech kakub’isax ri ya’olchajinem winaqil pa tinamit.
“Eri ix, ix k’o pa le iq’ij rech kixok che k’amal b’e taqanel pa le PNC, qastzij b’a’ ruk’ ri eqele’mtzij ri’ ruk’ ri Nim K’amal b’e Amaq’ Bernardo Arévalo xuquje’ ruk’ ri taqawokajnel rech ri Ya’olchajinem pa Amaq’, rumal ri’ kaqaj uj sib’alaj kixok ix utzalaj taq ajchajinelab’, man pa ik’iyal taj. Kinki’kotirsaj iwach iq’ij, rumal ix jun pa le wokom chajinem ri’ rumal rajwaxik qas ix chatajel ri’, xixkowon k’ut ruk’ ri iwachalalil pa iwachoch”, xcha’ ri Ministro Jiménez.
Xuquje’ eri nim patanel ri’ xuya kiq’ij kipatan ri e ajtijoxel xuquje’ ronojel kiloq’oq’enik ri kachalal rech ketob’an chi kech ri k’alk’uwal ali k’alk’uwal ala rech ke’ok pa le PNC, nim upatan karetaj ri kipiwi’ ri e ajtijoxel ke’ok che ajchajin tinamit, are retal ri’ kamik rech kakiterne’j umajik ri kichak keqale’n pa le katijoxik pa le nimatijob’al rech ke’ok che ajchajinel pa tinamit xuquje’ rech e ajchajil ri winaqilal rech Iximulew.
Nojimal keqa’n keqale’nib’al ri’
Rumal ri’ eri K’amal B’e rech ri PNC, David Custodio Boteo, xubij chewe cholq’axchak ri’ are la’ rech kab’an uch’ob’ik man xaq ta kab’an ri tijonem ya’talil chi ke ri eqa’lenelab’ rech ri wokaj ajchajil tinamit, xane’ are rech kakiya’o jun utzilaj utziijob’exik ri xkich’ob’o pa le eta’manik xuquje’ rech pa amaq’el ya’tal ri nimanem chajinik chi ke ri winaqilal pa tinamit.
Xuquje eri K’amal B’e Custodio Boteo ri’ sib’alaj xuya ub’ixik che e are ri’ qas kakaj ke’ok pa le PNC, are rech qas kakaj kakib’an ri niman tinamit. “Eri ajchajil tinamit ri’, man xaq ta chak kub’an ri’, xane’ are rajwaxik ronojel ranima’ karaj kuya rib’ pa le toq’ij chak ri’, ri qastzij utz b’a’ kurilo xuquje’ rech k’o ranima’ pa le ub’anik utzilem chi ke ri winaqil e aj iximulew”, xcha’.
Pa le b’anon nimatzij ri’, xopanik ri Viceministro rech Antinarcóticos, Werner Ovalle, ri Viceministro Administrativo, Felipe Sánchez, ri Viceministra rech Q’atenem ri K’axk’olil, Mayda de León, ri Viceministro rech Tecnología rech ri Información xuquje’ Comunicaciones ri’, William Cameros, ri Director General Adjunto rech ri PNC, Helver Beltetón, kuk’ rajtaqanelab’ chajin tinamit xuquje’ ri kajil katz’aqat ri e ajtijoxel ke’ok che e ajchajil tinamit.
Katijoxik ri e ajchajil tinamit
Pa le q’ijol rech pa lajuj ik’, pa konojel e 502 chi achijab’ xuquje’ e 117 chi ixoqib’ ri ketijoxik pa le Curso Básico rech Formación rech Ajchajil Tinamit, kakimaj uch’ob’ik reta’maik ri kipatan kakib’an ri’, ruk’ ri reta’mab’axik chajin tinamit, utzijob’elil ucholaj kich’akul kaminaqib’, uch’ob’ik ukojik ri tob’chakub’al rech kemtz’ib’ tzijolil, rech uch’ob’ik nimab’al ya’talil winaqib’, rech nuk’uj utz’ib’axik ub’ixikil chak kab’anik, rech uch’ob’ik b’anoj kunanik, rech uch’ob’ik ukojik ri k’aqb’alil, ri suk’unik ri taqanik, ri puqtzukunem kumal ajhajil tinamit, ri tob’an ib’, ri k’amchuq’ab’ ch’akulaj, ruk’ nik’aj chik eta’mab’alil.
Eri e 259 chi achijab’ eqa’lenelab’ kuk’ ri e 37 chi ixoqib’ eqa’lenelab’ kek’oji pa le B’anon K’uttijonem rech Raq’ansaxik Keqale’nib’al ke’ok che Subinspector rech Chajin Tinamit, pa waqib’ ik’ tijonik ri’ rech kakich’ob’ b’anoj chajinem, rech kakich’ob’ ri b’anoj chajinem tinamit, rech kek’oji pa ilonb’al chak, rech kakib’an investigación criminal, rech kakib’an ko chajinem q’atenik, rech uxh’ob’ik ya’talil winaqib’, rech b’ixik ucholajil kich’akul kaminaqib’ xuquje’ rech b’anoj puqchajinem tzukunik ri’. Eri tijob’en ib’ ri’ are kab’an pa le Academia rech ri PNC, Dr. “Carlos Vinicio Gómez Ruíz”, ri k’o pa le zona 6 pa uk’u’x nimatinamit.