Pawe q’ij Kimik, xmajtaj ri ketaxik ri nab’e puq Ajcho’el rech ke’ok che Reqa’lenel ri Ajchajin Tinamit pa le Tijob’al rech ri Wokajil Ajchajil Tinamit (PNC), Dr. “Carlos Vinicio Gómez Ruíz”, k’o pa le zona 6 rech uk’u’x nimatinamit. Eri ketexik ri’ are la’ silom kumal reqa’lenel le Inspectoría General (IG) rech uq’atexik ri elaq’nik pa wokajilal xuquje’ ri elaq’ toq’inik pwaq ri’.
Eri K’amal b’e rech ri PNC, David Custodio Boteo, ri xopanik xusolij ri etb’anik, xuya utzijol che pa septiembre e k’o 3, 500 Aspirantes ke’ok chech Agente rech Chajinem Tinamit. Xuquje, xutzuj che pawe q’ij kimik ke’etaxik kichuq’ab’il e 600 chi ajcho’el jeri’ chi kech ri alitom ixoqib’ kab’an retaxik kino’jib’al kichuq’ab’ pa miércoles ri’.
Eri Custodio Boteo xub’ij eri b’anon ketexik ri’ k’ot rajil man tojom taj, xuquje’ sib’alaj qaraj e k’o 18 chi winaqilal e chapom chik eri kimak kab’ixik are toq’inik pwaq chi kech winaq rech ke’ok pa le wokajil ri’. “kojtajin k’ut che uwi katijoxik ri e’ajchajinel tinamit, rech kechajinik keniman chi kech konojel ri winaqilal e’aj iximulew”, xcha’.
Pa le nab’e q’iij rech mayo, xb’an ri nab’e k’ak’ sik’ib’al molinik ri’ chi kech ri kakaj ke’ok pa le Retal Tijonem Rajawaxik rech Ke’ux reqa’lenel ri Chajjinem Tinamit, ri k’o pa reqele’n ri Subdirección General rech Estudios xuquje’ Doctrina (SGED) rech ri PNC. Rajawaxik k’ut eri e’ajcho’el k’o 18 pa 29 kijunab’, k’o 1.55 kaqan ri achijab’, k’o 1.53 kaqan ri ixoqib’.
Xuquje’, rajawaxik k’o jun kiwuj diploma, k’o kiwuj título rech educación media, xuquje’ rajawaxik kach’ikom ri etb’anem chi rij wari’. Majb’al utz’ib’axik kib’i’ pa uwachwuj ya’tal ri’ k’a pa le 31 rech mayo pa le uwachuwuj ri’: https://portal.pnc.edu.gt/ . Eri e’aj iximulew kecho’ik kaya ub’ixik ri’ chi kech pa le uwachwuj rech q’axeb’al tzijol rech ri wokajil chajinem tinamit ri’.