Ruk’ ri k’i laj retzb’exik b’anoj taq tijonik, uxlanik xuquje’ choletz’anik ruma ri’ xb’an kamik umajik le cholchak ub’i’ “Somos Ciudad”, ri are la’ kub’an jun nim retal chakunem pa le uwokik le jun loq’ tinamit Iximulew ri nim kub’al k’u’x ri. We cholchak ri’ rech wa’lisab’al ri riqon ib’ chomanik pa joremal, rech wa’lijsaxik kitatb’enik ri wiinaqilal, xuquje’ rech ya’ik uchuq’ab’ ri chajinem pa rulewal tinamit ri’.

Pa le majib’al le cholchak ri’ xk’oji le Ministro rech Gobernación, Francisco Jiménez, ruk’ ri Viceministra rech Seguridad, Claudia Palencia, xuquje’ ri Viceministra rech Prevención rech ri Violencia xuquje’ ri Delito, Mayda De León.
Xek’oji rajtaqo’ninel ri Embajada rech Estados Unidos rech América, ri Q’atb’al Tzij rech Nimatinamit Iximulew, reh Q’atb’al Tzij rech Escuintla, xuquje’ ri Agencia rech ri Estados Unidos rech ri Desarrollo Internacional (USAID) ri’.

Eri Taqawokajnel rech ri Ya’olchajinem pa Amaq’, sib’alaj xub’ij k’ut, eri cholchak ri’ are rech jun ya’talil rech chi kijujunal ri winaqil kakiriq b’a’ ri pa k’ub’al k’u’x xachik’aj b’a’ uriqik ub’anik ri’. Xuquje’ eri Jiménez sib’alaj xub’ij ri nim upatanib’al ri komom chakunem kuk’ ri komon e ajtob’anel rech taq nimatinamit kuk’ ri q’atb’al tzij ri’ xuquje’ rech ub’anik nimachajinem ri’ xuquje’ rech ri q’atenik taq b’anol k’ax.

rumal ri’ eri Rajawtzij Chomanem rech Negocios rech ri Embajada rech EE.UU, Patrick Ventrell, xub’ij che ri komonchak tajin kumal ri keb’ nimatinamit amaq’il ri’ are la’ k’o jun nimalaj upatan rech ya’ik uchuq’ab’ ri rech kachajixik ri winaqilal ri’, ri are xub’ij ri ya’olchajixik ri wianqil ri’ rech kakiyak kib’ le wokaj winaqilal, rech e utz kek’iyirik ri e q’apojil xuquje’ ri rech eri wokaj winaqilal kakiwok uwach ri’ jun nim kub’sib’al k’u’x pa chuwe’q kab’ij.

Eri wokajil ajchajil tinamit xek’oji pa ya’ltzijolil ri’ chi rij taq le parque San José La Chacará, zona 5 rech pa nimatinamit,  chi la’ k’ut kariqitaj wi le b’anon ya’ltzijol ri’, chi’ k’ut eri winaq chi la’ xek’oji pa le chakunem q’atenik taq ri k’ax. Chi’ k’u ri’ eri e ajk’utuninel a Lesh xuquje’ al Leshy, rech ri PNC, xkiq’axe’j ub’ixik utz taq tzijonem no’jinik rech kakib’an utz che kib’ ri ab’om alitom. Xuquje’ xb’an uk’utik ri Hip Hop, xikib’an jun k’utuyeb’al ri’, xuquje’ xkik’ut ub’anik ri je’l taq silob’sinik rech jiloninik xuquje’ ri rech BMX rech ri parque  ri’.