Rumal rech kab’an ri chajinem ilonik pa le Awas Q’ij ri’, eri Wokajil Ajchajin Tinamit (PNC) xkimaj ub’anik ri cholchajinem ruk’ taq ub’anob’alib’alil rech kukub’isaj ri chajinem pa ronojelil ri’.
Eri ub’anikil ri cholchak ri’ are xya ub’ixik pa we q’ij kamik pa le rachochib’alil le Subdirección General rech Apoyo xuquje’ Logística (SGAL) rech ri PNC. Pa le riqonem ib’ ri’ xuya ub’ixik ucholajil che ri wokaj e rajawaxik rech kakib’an pa kemonchak ri puqtzukunem, rech tob’anik pa taq nimab’e, rech kechajin chi rij taq sutunib’al telen taq le tyox, rech kechajin pa taq k’olib’al uxlanb’alil xuquje’ pa uchi’ taq palow rech ketob’an kuk’ ri e’ajtob’anel le ya’tal ri’.
Eri ministro rech Gobernación, Marco Antonio Villeda xub’an ri jun solinem chi ke ri reqa’lenelab’ chajin tinamit kuk’ ri e’ajtob’anelab’ ri’, che ri ketajin chik pa chajinem pa taq jalajoj k’olib’em pa le Amaq’ ri’. Pa le kawa’ketik ri q’atb’al tzij ri’ sib’alaj xub’ij che kakoj ri k’ak’ kemechakub’al le rajawaxik rech kab’an ri utzilaj ilonik chi ke ri taq ri winaqilal ri’.
Eri uwach taq ri puqtzukunem ri’ are kab’an pa taq le yuquyik raqan k’olib’al rech chajinem pa le Uk’u’x Nimatinamit Amaq’ ri’ rech kakub’isax uchajixik ri sutinem telen taq tyox ri’. Xuquje’ ri eri ajchajin tinamit kek’oji pa taq ri b’anob’al chajinem pa taq k’olib’em rajawaxik wi pa amaq’ tinamit xuquje’ pa le kechajin wi ri rajchakunelab’ ri nik’aj chik taqawokaj rech ri Amaq’ ri’.
Eri Ministro Villeda xub’ij eri e’ajchajin tinamit ri’ pa le Awas Chajim Q’ij, kechajin ri PNC ri keriqitaj wi le winaqilal ri’. “Chaqaya b’a’ ri ronojel ri qanima’ che ri upatanexik, ruk’ saqilal ch’ajch’ob’el xuquje’ ruk’ ub’anik ri nimanik ri’ jacha ri ib’anikil iwach ix, rumal k’ut are chi’ keriqitaj ri Wokajil Ajchajin Tinamit, le Iximulew pa suk’ilal ucholalejil kub’an ri chajinem pa kub’al k’u’x ri’”, xcha’ le nim patanel.
Pa le ilob’anem ri’ xuquje’ xk’oji ri viceministro rech Seguridad, Roberto Solórzano ri’; ri k’amal b’e rech ri PNC, David Custodio Boteo ri’; xuquje’ ri director general Adjunto, Héctor González Prera ri’, kuk’ ri ajtaqanel rech ri chajin tinamit. Eri q’atb’al tzij ri’ xkib’ij che ri e’ajchajienl ri’ e’are kejach kuwach pa ronojel uwach ri amaq’ tinamit, rech pa amaq’el kechajin ri’ rech ketob’anik chi ke ri winaqilal.
Pa k’isb’al ri’, sib’alaj xkib’ij che ri winaqil rech chakib’ij b’a’ loq we kakilo k’o ri k’ax kab’an, pa le 110 xuquje’ pa le 1561, jeri’ pa le 4028 1451 rech pa aninaqil.