Pa ub’i’ le tzij kub’ij “Yo Me Muevo Por Guate” xmajtaj upatanexik le 16 chi cholajil chak rech Servicio Cívico 2025, are jun cholchakunem rech kab’an kuk’ le ab’om alitom k’o 18 pa 24 kajunab’, are rech ke’uwa’lijsaj kiwach rech kak’oji kano’jib’al pa kik’aslemalil, jeri’ rech wa’lijsan winaqilal xuquje’ rech kak’oji le tinamit kub’al k’u’x che ri kaqaj uj.
Eri rajtaqanib’al le Secretaría Ejecutiva rech Servicio Cívico (SESC), Sebastián Hernández, sib’alaj xub’ij chi k’o nim upatan we e’are jun kek’oji ri ab’om alitom pa le ucholajil chak ri’ rech k’o ri utz ri kachakuxik pa taq katinamit. Xuquje’ sib’alaj xumaltyoxij chi kech ri wokajilala rumal e’are jun pa le Servicio Cívico, rumal k’ut eri ucholajil ta chak ri’ are k’o nim upatan rech kakiyak kib’ le winaq xuquje’ ri ab’om alitom che ri nim kakitijoj kib’.
Xuquje’ le Secretario Hernández xub’ij eri ab’om alitom che ri e’are jun kek’oji pa le Servicio Cívico ya’tal ri’ rech kek’oji pa le ucholajil chak ri’ rech b’anoj chajinem, rech uq’atexik ri b’anoj k’ax, rech utz taq’omab’al k’utb’e, rech tob’anem pa aninaqil, ruk’ nik’aj chik nimanik. Je k’u ri’, xub’ij che ya’tal ri’ rech ketijox pa le jujun taqawokajil, xuquje’ rech e’are jun pa le ub’anik utzilem chi kech ri kawinaqilal.
Eri cholchak ri qas e cholajisam ri’: eri Programa Nacional rech Educación Vial rech ri Departamento rech Tránsito rech ri Policía Nacional (DT-PNC) ri’; eri Programa Nacional rech Salud Productiva rech ri Ministerio rech Salud Pública xuquje’ Asistencia Social (MSPAS) ri’; xuquje’ ri Ajtoq’am Chajin Amaq’ le kakito’o le Winaq e k’o pa K’axk’olalil xuquje’ pa Nima K’axk’olal ri’.