Pawe q’ij kamik xjach ub’ixik ri cholchak ub’i’ “Zona Segura”, are jun ch’ob’oj chakunem ri utaqim ub’anik ri nuk’ulemal chajinem rech videovigilancia pa le tinamit rech Xe’laju’. Eri kemonchak rumal ri Amaq’ Iximulew kuk’ ri wokajilal k’o ajchoq’e are k’o nim upatanib’al rech kab’an retaxik upatanexik runimal b’anoj cholchakunem ri’ xuquje’ rech katerne’xik ub’anik ri nim chajinem kub’sib’al k’u’x pa rulewal amaq’ tinamit.

Eri ministro rech Gobernación, Marco Antonio Villeda Sandoval, ri are xuk’am ub’e ub’anik ri b’anoj chomanem ri’, pa le xub’ij wi chewe cholchak rech k’ak’ kemeta’mab’al ri’ are k’o jun nim upatanib’al rech ri b’anik ri chajinem, rech kek’am loq e k’i winaq e wa’katelab’ xuquje’ ri uk’iyemal rech pa nimatinamit rech Xe’laju’. Xuquje’ eri taqawokajnel rech ri Ya’olchajinem pa Amaq’, sib’alaj xub’ij che pa le ukojik ri b’anoj chajinem rech pa videovigilancia ri’ ri kaya uchuq’ab’ kumal ri wokajil ajchajin tinamit rech uq’atexik ri b’anoj k’ax xuquje’ ri molaj e’ajb’anol taq k’ax pa rulewal amaq’ tinamit.

Eri gobernadora departamental, Mayra López, sib’alaj xub’ij chi k’o nim upatanib’al ub’anik le cholchak ri’ xuquje’ rech pa kemonchak tob’anik kab’an kumal ri taqawokajil pa tinamit kuk’ ri wokajilal k’o rajchoq’e’il rech b’anik pa aninaqil xuquje’ rech utz ub’anik ri chajinem kumal wokajil ajchajin tinamit ri’ wexa’ k’a te’et k’o ri kak’ulmataj tane’.

Eri ukojik rech upatanexik ri esal rachib’al ri chajinem pa videovigilancia pa taq uxo’l taq nimaja rech pa rulewal tinamit ri’, ri uchapom rib’ ruk’ le Centro rech Monitoreo kojom pa le Gobernación Departamental rech Quetzaltenango ri’. Ruk’ ri b’anowem ri’, are taqim uq’atexik taq ri b’anoj itzelalalaj b’anoj xuquje’ rech uq’atexik taq ri b’anoj taq k’ax chi ke ri winaqilal ri’.

Eri uterne’xik ri chajinem pa uq’ijol are la’ pa aninaqil kapatanexik kumal ri wokajil ajchajin tinamit wexa’ k’ot ne’ ri kak’ulmataj ri ilom pa taq resab’al rachib’al chajinem, rech kakub’isax uwach ri’. Xuquje’, are kuya uchuq’ab’ ri tzukno’jchak ri’, rumal k’ut eri uqul katz’ib’ataj kanoq are la’ k’o jun kuq’alijsaj uwach ri’ pa taq ri tzukno’jchak ri’.

Pa le b’anob’al riqon ib’ ri’ xopan wi le viceministro rech Seguridad, Estuardo Solórzano, le director general Adjunto rech ri Wokajil Ajchajin Tinamit (PNC),Héctor Prera, kuk’ rajtaqanel wokaj chajin tiamit rech ri Comisaría 41 ri’, kuk’ ri ajpatanelab’ rech Amaq’, jeri’ kuk’ rajchomanelab’ ri wokajil k’o rajchoq’e xuquje’ kuk’ rech ri Mesa rech Prevención xuquje’ Seguridad Ciudadana rech ri tinamit ri’.