Eri ujalik uwach ri rachoch ri japache’ ub’i’ Centro rech Alta Seguridad Canadá, ri ub’i’ kab’ixik “El Infiernito”, rech xmajtaj kachapik pa juntir uwach ri rachoch ri japache’ ri’ xuquje’ rech keq’axexik chi’ nik’aj pandilleros e itzelalaj taq winaq ri’, ri kek’am b’i pa nik’aj chik rachoch tz’apib’al pa le k’isb’al wuqq’ij. Chi’ k’ut kakoj wi ri chakub’alil revh kab’an ri ujalik uwach ri’ rech are la’ kakojik rech ya’ik uchuq’ab’ ri kachajixik ri e tz’apilik xuquje’ chi’ kakoj wi ri utz taq tob’achub’al rech chajinem ri’.
Eri Ministro rech Gobernación, Francisco Jiménez xub’ij che ri chakunem are la’ rech kak’ex uwach ri’ rech kub’an jun utzalaj nimaja tz’apib’al rech qas chajitalik, rech man k’ot chik jun ajpache’ nim uq’ij tane’ chi’ ri xaq tane’ kub’an ri kakaj ri’. Xuquje’ xub’ij che chi’ qas kab’an ri chajinem ri rajwaxik, chi’ man k’ot kiq’a’q’ saqil kakoj chi ke nik’aj e ajpache’ ri’, chi’ qas e chajitalik, chi’ maj jun kub’an tane’ ri k’ax chi’ pa le rachoch ri japache’ ri’.
Pawe b’anoj chakunem ri’ are kamaj ub’anik jun kichapik kitaqik ri e ajchajinel chi’ pa le Japache’ Tz’apib’al, chi’ k’ut kekoj wi jun puq ajchajinelab’, rech ke’ilonik ri kowilaj chajinem chi’. Xuquje’ e are k’ut qas kecha’ik jachin ajchajinelab’ ke’opan pa chajinem pa le wokajil japache’ ri’, ri k’o utz taq kichakub’al kaya’ ri’ xuquje’ ri k’o jun utzalaj katijoxik xb’anik.
Rumal ri’, eri Ministro Jiménez xuya utzijol ub’ixik che pa rachoch tz’apib’al ri’ kek’oji puq ajchajinelab’ Grupo Élite rech ri wokaj japache tz’apib’al ri’, e are k’ut ri qas kechajin chi’. Xuquje’ sib’alaj xub’ij che ri rajchajinel ri japache’ tz’apib’al ri’, sib’alaj e ok’owisam pa k’otoj kitzij ri’ rech maj uwaj kitzij xuquje’ ri pa amaq’el xetijoxik che reta’maxik ri chak ri’, ri awam ri kib’i’ rech maj jun kub’an tane’ k’ax chi kech, kumal ri winaq e tz’apilik pache’ ri’.
Ruk’ ri b’anoj chak ri’ eri Q’at K’amal B’e Amaq’ Bernardo Arévalo pa reqele’n ri Ministerio rech Gobernación ri’ are kub’an jun nim usuk’b’exik ri Rachoch Japache’ Tz’apib’al xuquje’ ri q’atenik b’anoj taq k’ax pa le rachoch japache’ ri’, jeir’ rech kakoj ri nimab’al tzij ruk’ ri chakub’al rech ketob’anik pa le chajinem winaqilal pa ronojel rulewal qatinamit.