Are uwach ri ub’anob’alib’al ri’ rech uya’ik uchuq’ab’ ri chajinem winaqilal, pawe q’ij ri’ xmajtaj ri ukab’ uwachil ub’anob’alil ri Operación Centinela pa Escuintla ri’, ruk’ ri ujipixik pa kemonchak kumal ri Wokajil Ajchajin Tinamit (PNC) xuquje’ ruk’ ri Wokajil Ajchajin Amaq’ pa Iximulew rech uq’atexik ri b’anoj k’ax pa rulewal amaq’ tinamit ri’.
Eri q’atb’al tzij xkiya utzijol chewe jun k’ak’ uwach kemonchak puqtzukunem pa amaq’el ri xb’insax ub’anik ri’, ri xumaj k’ut b’anoj puqtzukunem ri’, uk’olib’al ri ya’jinem pa taq juntir taq nimabe ri’, jeri’ che kaqan xuquje’ chi rij kejach’ich’ kakib’an ri chajinem pa taq tinamit xuquje’ pa k’ax taq b’e okem ri’.
Ka pa nimaq’ab’ rech we kamik, eri PNC xkib’an ri puqtzukunem pa taq ri ch’ich’rech ereb’al wianq pa tinamit. Xuquje’ xkib’an ri chajinem rech kutb’e pa taq ri nimab’e rech are xkilo wexa’ e k’o ri winaqilal taqom kachapik xuquje’ wexa’ k’o awan jastaq k’amom b’i.
Eri ub’anob’alil ri umajtajik ub’anik ri Operación Centinela 2 pa le xtatb’en wi ri taqanel rech ri Subdirección General rech Prevención rech ri Delito rech ri PNC, Pablo Rodríguez ri’; ri gobernadora departamental, Vivian Mayorga; ri taqanel rech ri Comisaría 31 rech ri PNC Jaime Martínez kuk’ ri ajtaqanelab’ rech ri wokaj chajin tinamit.
Ruk’ ri b’anoj puqtzukunem xuquje’ ri b’anoj tzukno’jchak ri’are utaqim ub’anik ri chomanem kuk’ ri winaqilal pa jun b’anoj puqtzukunem rech uq’atexik ri b’anoj k’ax ri’. Xuquje’ rumal ri’ sib’alaj xya’taj ub’ixik chi ke ri winaqilal pa tinamit wexa’ k’o b’anoj k’ax kakilo kab’anik chakib’ij loq pa aninaqil pa le 110, pa le 1561 xuquje’ pa 1577 ri’.