Pa Zacapa, eri reqa’lenel ri Subdirección General rech Investigación Criminal (SGIC) ri’ rech ri Wokajil Ajchajil Tinamit (PNC) pa kemonchak ruk’ ri rajchak ri Q’atb’al Tzij rech Q’atenel Crimen Organizado ri’ rech ri Ministerio Público (MP) pa 14 rech febrero ri’, xkib’an wuqub’ chi b’anoj tzukunem, solinik, usik’ik loq ri jastaq q’alajisab’al ri b’anoj k’ax ri’ pa taq kachoch winaqil.
Eri puqchajinem tzukunik xb’an ri’ rech pa uterenb’exik jas che xsachik ri jun ala ub’i’ a José Zoel Cruz, ri xk’ulmataj chi la’ pa jun nimaq’ij b’ixonem pa le tinamit rech Zacapa. Eri jun k’ax ri’ are xk’ulmataj pa noviembre rech 2021. Eri nab’ejsab’al uwach utzijolil, xb’ixik chi k’o e keb’ chi achijab’ xechap chi rij ri’, e are kab’ixik xek’amoj b’i rech ri jun ala ajb’ixonel. Rumal ri’ kab’ixik che e are xesachowik uwach ri are.
Eri q’atb’al tzij xkib’ij eri nik’aj keb’ achijab’ xechapik e are qas Itzel ta winaq ri’ xuquje’ xb’ixik tajin unawilixik kumal kachib’il ke’opan che kesaxik ri’. rumal ri’, xetaq b’i pa nimatinamit rech majun kopan che kesaxik ri’ rech katerenb’ex uq’alajisaxik uwach ri’. Rumal ri’ katajin utzukuxik uwach pa juntir ri’ chi la’ pa tinamit rech Zacapa.