Pa Iximulew ri’ xk’oj che pa le 21 rech diciembre ri’ le Uq’ijol ri Aviación Policial ri’, are wa’ jun q’ij rajawaxik rech kaya katzijox ri nimantzij, ri ajeqa’lenelem no’jchakunik, rech pa le q’ij ri’ katoq’ax ub’ixikil ri nimachak ri’ rech ri Programa rech ri Unidad Aérea rech ri Ministerio rech Gobernación (UNAGOB) ri’. Ri jujun puqtzukunem ri’ ruk’ uq’atexik ri k’ax che ri qas kab’an ri’ xuquje’ eri b’anoj chak chajinem winaqilal ruk’ ri uq’atexik taq ri b’anoj k’ax, jeri’ ri ub’anikil chak ruk’ taq ri retanib’al ub’anik pa tinamit ri’ jeri’ pa taq amaq’ib’ nimatinamit pa uwachulew.
Eri k’amal b’e rech ri UNAGOB, a Elder Waldemar García López, ri xnab’ejik pa le okemtzij rech ri nimaq’ij ri’, xub’ij che k’o nim upatanib’al ri chak kakib’an chi kijujunal ri jachakub’al rech chajin tinamit, rech kak’ub’isax utz ub’anik ri jujun taq puqtzukunem ruk’ ronojel uq’ijol ri nimantzij rech kanima’ ri’ pa jujun b’anoj taq tzukunem chajinik ri’ pa le b’anik utzilem chi ke ri winaqilal pa tinamit.
Eri puq reqa’lenelab’ ri UNAGOB, tajin kakikoj ri retanib’al ri chak rech aviación ri’ jacha ri q’atam ukub’isaxik ub’insaxik ri jo’b chi helicópteros UH-1H ll xuquje’ ri avioneta Cirrus SR-22, ri rajawaxik qas e’utz kekoj pa jujun taq tzukunem kab’anik rech uq’atexik taq ri narcotráfico ri’, ri nuk’molaj b’anol k’ax xuquje’ ri e’ajb’anol taq k’ax ri’ pa rulewal amaq’ tinamit aj iximulew.
Eri jujun taq b’enaq pa kaqiq’ cho ri kaj, ri chajinem, ri ilonik, ri kaq’axexik ri e’ajchajinelab’ , xuquje’ ri nim chakunem xb’an rumal ri UNAGOB ri’, pa uto’ik ri b’anoj chajinem rumal ri’ Wokajil Ajchajin Tinamit (PNC), ri tob’aninaq pa le kachajixik ri winaqilal, pa le uq’atexik ri b’anoj k’ax, pa le uq’atexik ri k’ax kamisanik, xuquje’ pa le uwokik uwach le amaq’ tinamit sib’alaj kub’sib’al k’u’x ri’.
Eri unidad ri’ xuquje’ ub’anik jun nimachakunem pa kesaxik winaq pa k’ax ri e kunam pa kaqiq’ ruk’ taq ri xik’ach’ich’, pa le uq’axexik ri nimatob’anik winaqilal, pa le kesaxik winaq pa k’ax kiriqom pa aninaqil xuquje’ pa le k’axk’onem k’ulmam pa we amaq’ tinamit ri’. Are wa’ k’o jun nimachak utz b’anom pa le uk’ub’isaxik kik’u’x ri winaqilal ri’ pa taq ri k’axk’onem ri’.
Pa le nimantzij rech xk’ul ri nimaq’ij xuquje’ xya kiq’ij ri reqa’lenelab’ ri UNAGOB, ri xkiya kanoq jun nim kina’tib’alil pa le aviación policial rech pa amaq’ tinamit. Xuquje’ xb’an ujachik ri wujilal rech xk’ix katijoxik ri reqa’lenelab’ ajchajin tinamit ri sib’alaj xetijoxik rech keta’m kakikoj ri k’ak’ kemechakub’al biométricos MI-3 y AD-5 ri’. Pa k’isb’al ri’, xya kich’akib’al ri e’oxib’ e nab’e chi ke ri stands e kojom pa le sede rech ri unidad ri’.