Pa jujun taq q’ij 21 rech diciembre ri’, are jun xq’atik pa Iximulew rech xuya uq’ij ri chak tajin kumal konojel rajchak ri Programa rech ri Unidad Aérea rech ri Ministerio rech Gobernación (UNAGOB), rech uq’atexik ri narcotráfico, ri nuk’molaj e’ajb’anol k’ax xuquje’ rech kakub’isax ri chajin winaqil pa tinamit.
Eri rajk’amol ub’e ri UNAGOB, a Elder García López, are xuk’am ub’e ri riqon ib’, pa le sib’alaj xuya wi utzijol ri chak chajinem b’anom pa kaqiq’ xuquje’ kumal nik’aj chik wokajil e’ajchajin tinamit pa le q’atenik ri k’ax xuquje’ pa le chajin winaqilal ri’.
“Nim nuq’ij kinna’o rumal in jun in chi kuxo’l ri wokaj e’ajchajinel e ajeqa’lenel xuquje’ ri keriqitaj pa aninaqil rech keb’e aninaqil che uq’atexik ri molaj b’anol k’ax, ri xuk’is ub’ixik rumal ri K’amol B’e García López.
Eri unidad aérea xuquje’ xkib’an jun nim kesaxik winaq pa k’ax ri’, k’o ri tob’anik winaqil xkib’an ri’ xuqujue’ k’o ilonem pa aninaqil xkib’an pa rulewal tinamit ri’. Eri chajinem tob’anik ri’ are la’ k’o nim upatanib’al ri’ pa le kachajixik ri winaqilal xuquje’ rech qastzij b’a’ kab’an ri kilik ri’.
Ri e ajeqa’lenelab’
Pa ik’ mayo, e k’o 29 reqa’lenel ajchajil tinamit rech ri UNAGOB, ri xkik’iso ri Primer Curso Básico rech Especialización rech Aviación. Are wa’ jn uwach chak xb’anik pa le ya’ik uchuq’ab’ ri kichakunik ri e’ajchajil tinamit ri’, pa le ub’anik ri tik’ib ‘am taqoninem pa Amaq’.
Eri Wokom K’amal b’e Amaq’ Iximulew, pa uchakunik ri Ministerio rech Gobernación (Mingob), xkub’isaj ya’ik utzij rech kub’an ri’ ri chajinem rech kawokotaj uwach ri tinamit che ri kajawaxik ri are utz chi kech konojel, pa le unimaxik ri Ya’talil Winaqib’ xuquje’ pa le unimaxik ri q’atam taqanib’al pa tinamit.