Rumal kak’ul le Nim Uq’ijol rech le No Violencia chi kech ri Ak’alab’, eri reqa’lenel le Subdirección General rech Prevención rech ri Delito (SGPD) rech ri Wokajil Ajchajil Tinamit (PNC) xkichomaj rech xkib’an jun nim cholb’inem pa le Uk’u’x Nimatinamit rech Iximulew. Ri xkimaj b’i pa le 18 calle xuquje’ 6ª avenida, ri xk’is chi uwach le Portal del Comercio, zona 1 pa uk’u’x nimatinamit.
Qaraj e k’o 160 chi e’ajtijoxel rech rachoch taq tijob’al rech le nab’e taq junab’ uwach tijonik kuk’ ri rech ukab’ taq junab’ uwach tijonik xek’oji pa le cholb’inem, e’achb’ilam kumal ri katijonelab’, le Botargas Polita xuquje’ le Polito, e’are jun le winaqixel a Lesh ruk’ ri al Leshy, pa le cholb’inem ri’ xkib’an utzijolixik kiq’alik le winaqil.
Xuquje’ xkoj uk’olib’al rech ya’ltizijolinik kumal reqa’lenel le e rajawaxik wokajil rech ri PNC, ri xkib’an jalajoj taq retz’b’exik tijonik chi kech ri ak’alab’, ri taq ala, taq ali xuquje’ chi kech ri e q’apoj ab’om alitom ri’.
K’o nim upatan xuba’n le ketatab’enik chi’ le a Lesh ruk’ ri al Leshy pa le ya’ol ub’ixik rech pa jikomal kek’oji le ak’alab’ kuk’ le e q’apojib’, jeri’ xetoq’axuj rech kakib’ij loq ri k’ax kakilo xuquje’ rech e’are jubn pa le utz b’anoj kik’olemal ri’.