Pa b’enam tzijob’el katajin wi, le Nim K’amal B’e Amaq’ Bernardo Arévalo we kimik xopan pa jun ch’ab’enik tzijob’el pa nim wokom rachoch le Ministerio rech Gobernación (Mingob), ri xuk’ul wiri’ rumal le Taqawokajnel Chajinem pa Tinamit, Francisco Jiménez. Ri xketab’ej ri b’anoj puqchajinem rech pa le kachajixik winaqilal pa tinamit xuquje’ rech ya’ik uchuq’ab’ ri chajinem pa Iximulew ri’.
Are chi’ xopan pa le Nimawokom Rachoch le Gobernación ri’, le K’amal B’e Tinamit Bernardo ruk’ le Ministro Jiménez, xeb’inik pa le nim rachoh le taqawokajnem ri’. le K’amal B’e Amaq’ ri’ xub’aij chi kech ri e rajchak ri Taqawokajnem ri’, che kuya uq’ij ri kichak kakib’ano xuquje’ xub’ij chi kech rech chakib’ana ri kichak ruk’ ronojel utzilem ronojel kanima’ ri’.
Xuquje’ le Nim K’amal B’e Amaq’ sib’alaj xub’ij che utz ri chak b’anom kumal le Viceministros, ri e K’amal B’e rech taq uq’ab’il ri taqawokajil ri’. Xuquje’ sib’alaj xub’ij che ri kichak kakib’an pa taq le jujun chakuja ri’ are la’ k’o nim retal upatanib’al rech pa le b’anoj kajmanen taqanib’al pa tinamit xuquje’ are rech kub’sal ub’anik ri chajinem uwinaqilal tinamit, ri ucholalejil ri taqanem pa tinamit.
Pa k’isb’al ri’, le K’amal B’e Nimatinamit Arévalo xub’an jun riqb’al ib’ rech xchoman ruk’ le Ministro Jiménez xuquje’ kuk’ ri q’atb’al tzij rech uq’ab’ taqawokajil ri’ pa le Salón Mayor rech ri Taqawokajnem. Pa le riqon ib’ ri’, xb’an uk’utik utzijoxik ri cholchak rech ya’olchajinem ri’. Xuquje’ xb’an utzijob’elil ri cholchak kab’an pa chuwe’q kab’ij rech uq’atexik ri b’anoj k’ax, ri narcotráfico xuquje’ ri k’ax kamisanik.
Eri chak b’anom rumal le taqwokajil pa le utaqanik ri’ are ri’ ri nim kaq’atexik ri narcotráfico ri’, le b’anoj k’ak’ taqanem pa rachoch wokajil japache’ tz’apib’al, ri uq’atexik taq ri toq’inem pwaq, ri ub’anik ri komonchak kuk’ ri taqawokajilal je jas kuk’ ri agencias internacionales, ri uq’atexik ri elaq’nik itzelal pa taqawokajil jeri’ pa saqilb’anoj pa taqawokajil ri’, jeri’ ruk’ nik’aj chak chomanem b’anom.