Eri solinem ri’ are xtaq ub’anik rumal ri k’amal b’e Amaq’ Alejandro Giammattei xuquje’ rumal ri ministro de Gobernación, David Napoleón Barrientos, eri quinto viceministro, Fernando Rodas de León, xkib’an jun nim solinem pa le nimak’olib’alil rech Uk’u’x B’anob’al Awan Kunb’alil molom pa le finca Estanzuela xuquje’ pa Navajasm San José del Golfo, Iximulew.
“Chatpe b’a’ pa che solinem pa le nimak’olib’alil ri’ jacha’ kub’ij pa le Utaqanik ri Wokom Taqamaq’il 2020-2024 ri’. Eri taqim ruk’ ri’ are rech kasolixik kchak ri reqa’lenel ri Subdirección General rech Ajq’atel Awan Kunb’al (SGAIA) rech ri Wokajil Ajchajil Tinamit (PNC) xuquje’ rech ri Unidad Especial Antinarcótica (Unesa), pa le kaqasolij jas ub’anik tajin ri uporoxik ri uk’u’x b’anob’al awan kunb’al ri’”, xcha’ ri quinto viceministro.
Xub’ij ri’, ruk’ wa’ are rech man k’ot chik awan kunb’al xaq tane’ kamol pa taq le uk’olib’alil ri finca ri, rech kilotaj ta chik uwach, rech man k’ot chik kaqajir tane’, rumal e k’o winaq e jaqal chi’.
Are wa’ tajin ri’ rech kaya’ utzijolil ri’ ri katajin uchakuxik chi’ pa ronojel q’ij ri’ chi rij jas le uporoxik tajin ri’ ri k’o chik 824 chi toneladas métricas rech uk’u’x b’anob’al awan kunb’al porom ri’, are ri metilamina xuquje’ fenilacetato rech etilo, xcha’ ri Rodas De León.
Xuquje’ rech kasolix ri chak tajin kumal reqa’lenel chajinem rech ri SGAIA pacha’ rech Unesa, rech kunimaj uwach uporoxik ri uk’u’x b’anob’al awan kunb’al ri’, rech b’a’ eri kolom chi’ rech qas kab’an le unimaxik rilik ri’, rech kub’an ta k’ax pa rulewal tinamit ri’ rumal ri q’atb’al tzij.