Are chi’ xb’antaj ri riqon ib’ rumal ri Consejo Nacional rech Seguridad pa Petén rti q’atb’al tzij rech ri K’amal b’e Amaq’ xkiya utzijol ri xchomataj pa le chak chomanem xb’an pa miércoles 17 rech julio ri’. pa jun ya’ltzijoliinem ri’ ri xutzijox wiri’ ri cholchak pa taqawokajil rech chajinem xuque’ rech ketaq e k’i ajchajinel pa le tinamit ri’.
Eri K’amal B’e Amaq’ Bernardo Arévalo, ri Ukab’ K’amal B’e Amaq’ Karin Herrera, ruk’ ri Ministro rech Gobernación Francisco Jiménez xuquje’ ri rajpatanel ri Consejo Nacional, xb’an utzijoxik chke ri chajinem b’anom, pa k’ulb’a’t juyub’, pa migración, pa tinamit xuquje’ rech q’atoj toq’inik pwaq pa q’atb’al tzij.
Rumal ri’, eri k’amal b’e Amaq’ Arévalo xub’ij rumal kaq’ansax kajilab’al ri reqa’lenel ri Wokajil Ajchajil Tnamit (PNC) xuquje’ ri Ejército rech Iximulew.
Xuquje’ xya utzijol kumal ri q’atb’al tzij reh Gobernación che ri PNC xuya ub’ixik che pa le nab’e q’j rech enero pa le 3’ rech junio rech pa junab’ ri’ e chapom chik e 59 chi winaqib’ rumal keqam k’aq’’al maj uwujil, e chapom chik 193 e ajb’inisal ch’ich’, 173 rumal xech’ojinik, 211 xtaq kichapik rumal q’atol tzij.
Jeri’ jacha’ pa taq le q’ij ri’, xeriqitajik 21 kejach’ich’ xuquje’ ch’ich’, 104 chi k’aqb’alil, 146 chi ch’ich’ xuquje’ 264 chi kejach’ich’ xechap loq.
Eri q’atb’al tzij xkitzuj che sib’alaj katajin kitaqik ajchajinelab’ pa Petén, xuquje’ e are kechajin pa le tinamit ri’, rech kakichajij ri winaqilal.