Pa le uq’ijol ri uq’atexik taq ri poq’san k’ayin awan kunb’al ri’, eri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), xkiya utzijol chi xriqitajik xuquje xporoxik ri tiko’n rech awan kunb’al rech marihuana pa rulewal tinamit rech Petén.
Eri puqtzukunem ri’ are la’ xb’antaj pa le k’ache’lqaj k’o chi rijj le caserío Ixmucané, pa le rulewal La Cruces, chi la’ k’ut eri wokaj ajchajinelab’ rech antinarcóticas xkiriqo xuquje’ xkirporoj wi pa ronojel 68,400 rajilab’al raqan ichaj tiko’n rech marihuana ri’.
Jacha ri kakib’ij ri q’atb’al tzij, eri rajilab’al ri xporox ri’ are kopan pa Q34,200,000.00, junam ruk’ ri USD 4,384,615.38 chi kaxlan pwaq ri’, are la’ jun nim retalil uq’atexik xb’antaj chi ke ri narcotráfico pa rulewazl tinamit.
Are la’ uwach ri tijowchuq’ab’ xb’antaj rumal ri wokajil ajchajin tinamit pa le uq’atexik ri tijko’nib’al ri’, ri utikik xuquje’ ri upoq’saxik ri awan kunb’al tajin uq’atexik pa amaq’ tinamit, ruk’ wari’ tajin kaq’alajinik ri uchak katajin ub’anik pa le ya’olchajinem xuquje’ ri utzilem chi ke ri winaqilal.