Rech kaq’atexik ri b’anoj k’ax xuquje’ rech utz kab’an chech ri puqchajinem tzukunik ri’, pawe q’ij kimik pa le Subdirección General rech Apoyo xuquje’ Logística, rech ri Wokajil Ajchajin Tinamit (PNC) ri’, xjach jupuq chi ch’ich’ e suk’ub’am rech ya’ik uchuq’ab’ ri chajinem winaqilal pa keqale’nib’al ri e’ajchajin tinamit pa utzilem aninaqil ri’.
Eri jupuq ch’ich’ xesuk’ub’axik are ri’ 35 chi patrullas xuquje’ jok’al (100) chi kejach’ich’, ri kejachik pa taq kik’olib’alil e’ajchajin tinamit, rech kekoj chi la’ pa taq ri k’olib’alil che ri qas keriqitaj wi ri e’ajb’anol k’ax. Ruk’ ri jun b’anonem ri’, are rech kab’an utz chech ri ub’inisaxik uwach ri chajinem kumal ri wokajil ajchajin tinamit.
Eri Ministro rech Gobernación, Francisco Jiménez, pa le uwachwuj pa kaqiq’ ub’i’ X xub’ij wiri’, “Eri k’ak’ taq k’olib’al rech suk’ub’an ch’ich’ rech ri Wokajil Ajchajin Tinamit kakijach kimik pa le qatinamit 135 chi’ich’ ri’. Ruk’ wa’ kojtajin che usuk’ub’axik ronojel taq ri ch’ich’ che ri ya’om kitzaqom kanoq. Pa roojel ri’, xesuk’ub’ax pa 2025 ri’: 358 chi Kejach’ich’ xuquej’ 152 chi ch’ich’ Patrullas ri’”
Eri a Nelso Jiménez, taqanel rech ri Departamento Material Móvil (DMM) xuya ub’ixik ucholaj che ri jupuq chi ch’ich’ e suk’ub’am pawe ik’ ri’. Pa uterne’xik ri cholchak ri’ are rech xesuk’ub’axik ri ch’ich’. Xub’ij k’ut che xesuk’ub’ax e 358 chi kejach’ich’ xuquje’ 152 chi ch’ich’ e patrullas pa junab’ ri’. E’are ri ch’ich’ ri’ xejach pa taq kik’olib’al ajchajinelab’ pa taq tinamit che ri qas kak’ulmataj wi ri k’ax, rech kakub’isax ub’anik ri chajinempa taq ri tinamit xuquje’ rech pa aninaqil kab’an le rilik uq’atexik ri k’ax ri’.
Are chi’ xek’oji pa le rachoch ri Talleres rech Material Móvil, sib’alaj kab’ixik k’o nim upatanib’al ri kichak kakib’a ri e’ajchak rech ri sección rech mecánica ri kesuk’ub’ax wi ri ch’ich’, k’o k’ak’ uastaq chi upam, k’o rech mecánica en general, k’o rech kunanem, k’o rech electromecánica, k’o nak’ib’al ch’ich’, k’o uxe’ uwi’ja xuquje’ k’o rech suk’ub’al raqach ch’ich’, ruk’ nik’aj chik chak ri’. E jujun taq k’olib’al ri’ k’o ukemechakub’al xuquje’ reh ke’usuk’ub’a’ ri patrullas xuquje’ ri kejach’ich’ ri’.
Ruk’ ri b’anonem ri’, eri Ministerio rech Gobernación xkub’isaj ub’ixik che ri eqale’n chak ri’ are rech kukub’isaj ub’anik ri chajinem winaqilal xuquje’ rech kuya uchuq’ab’ ri PNC are ri’ ri k’o nim upatanib’al pa le kaq’atexik ri nuk’molaj b’anol k’ax xuquje’ ri uq’atexik ri k’ax pa le qatinamit.