Ri cámaras xekoj kumal nik’aj b’anol k’ax rech kkika’yej pa utinamit ri kbinem ri e ajchajinelab’
Rajchajinelab’ ri Wokaj Ajchajil Tinamit (PNC) xkib’an pa we k’isb’al semana ri’ jun nimalaj puqtzukunem pa kemonchak kuk’ ri rajchajinelab’ ri Wokaj Ajchajil Amaq’ nimatinamit rech Iximulew, pa jujun k’olib’al rech ri tinamit Iximulew xuquje’ pa Villa Nueva, rech xeqasaxik taq ri ch’ich’ rech pa awalik ilonem rech awam videovigilancia ri’, rech kessaxik pa k’ax ri uxlanb’al k’olib’em rech ri winaq xuquje’ rech ya’ik uchuq’ab’ ri chajinem jikomal chi kixol ri winaqilal ri’.
We b’anow chak ri’ rech xb’an uqasaxik 16 cámaras ri man ya’tal taj chi xekoj kumal molaj b’anol taq k’ax pa taq uk’olib’al uxlanb’al b’inib’al pa tinamit. Pa ronojel wa’, k’o 12 xe’ilitaj pa le 15 avenida xuquje’ 20 calle, rech zona 6 rech ri nimatinamit; xuquje’ 4 xe’ilitaj pa le 6ª avenida xuquje’ 8ª calle, colonia El Mezquital, zona 12 rech Villa Nueva ri’.
Ri e q’atb’al tzij xkib’ij chi ri ch’ich’ rech awam uwach ilonem ri’ xekoj kumal ri e b’anol k’ax rech kikika’yej ri kakib’an ri winaq, xuquje’ ri chak chajinem ketajin che ub’anik ri e’ajchajil rech ri winaq pa tinamit pa taq kik’olib’al winaq, jeri’ ri chakunem b’anom pa taq tzukunem ri katajin ub’anik kumal rajchajinelab’ ri Amaq’ pa taq ri k’olib’alil ri xtzukux ri’.
¨Pa taq ri nab’e Ik’ k’a pawe q’ij kimik, ri e’ajchajil xkoqasaj k’i na chi uwach ri 490 cámaras man ya’tal taj pa taq ri k’olib’al rech taq ri tinamit Iximulew xuquje’ pa B’oko’ (Chimaltenango). Eri b’anom ri’ are uwach ri k’o pa le ub’e’al taq chak b’anom rech kuya uchuq’ab’ ri Q’atb’al Tzij pa Amaq’ xuquje’ rech kq’atex ri b’anow k’ax.