Chi uxe ri ub’i’ runimal tzij “K’ak’ B’anikil Taqanem pa las Américas: kemechakub’al, jalajoj taq una’ojilem xuquje’ loq’axik winaqib’”, xb’an ri Uro’ Riqob’al ib’ kumal ri Q’atb’al Tzij rech Chomab’al Wokajil Japache’ Tz’apíb’al ri’, pa taq ri q’ij 21 xuquje’ 22 rech octubre ri’, pa le nimatinamit rech La Antigua Guatemala, Sacatepéquez. Eri riqob’ ib’ rehc tzijob’elil chomanem pa nim peraj juyub’al ri’ xemolin wi ri k’amal b’e chomanem rech ri wokaj amaq’ib’ rech ri Organización rech ri Estados Unidos (OEA), rech katzijob’ex ri k’aslemam chak b’anom, rech katzijob’ex ri utz taq b’anob’alil, xuquje’ rech kaq’at uwach jun ub’e’al ri na’jib’alil ri k’ak’ taqanem rech taq wokajil japache’ tz’apib’al pa kulewal taq amaq’ib’.
Eri Uk’uxel K’amal B’e rech ri Wokajil Japache’ ri’ (SP), Mario Pacay, ri xnab’ejik xutz’apiji ri riqob’al ib’, sib’alaj xub’ij chewe q’ijol rech chak ri’ are ri’ k’o nim upatanib’al b’anom rech xterne’x ya’ik uchuq’ab’ ri wokajil japache’ tz’apib’al pa kulewal taq amaq’ib’, ruk’ jun una’ojib’alil ri kub’al k’u’x xuquje’ ri utaqim ri suk’umal ri e tz’apilik rech ketzalij kuk’ kawinaqil ri’.
Xuquje’ eri k’amal B’e Pacay ri’ sib’alaj xub’ij k’o nim upatanib’al ri jun riqon ib’ ri’ ri xuya pa retalil xya ub’ixik ri utzilaj chak b’anom ri’ kumal taq ri ajpatanelab’ rech taq ri amaq’ib’ e’ajtatab’enel ri’, rech uq’atexik uwach taq ri k’axk’olil xuquje’ rech katerne’x ub’anik ri wokajil japache’ tz’apib’al ri k’ub’al k’u’x xuquje’ ri utzilaj uwach taq.
Eri riqon ib’ ri’ are kuk’utu chi qastzij b’a’ k’amom uwach ri eqale’n chak kumal ri q’atb’al tzij rech Iximulew ri’ xuquje’ kumal taq nik’aj chik amaq’ib’ che ri e’are jun pa le OEA, rech kaq’at uwach ri jun ub’e’al ri b’anoj chakunem pa rulewal taq amaq’ib’ ri’ rch ya’ik uchuq’ab’ uchakunik ri wokajilal japache’ tz’apib’al, rech b’anik k’ak’ taqanem kemechakub’al, rech ketzalij ri e tz’apilil pa kachoch, rech kakoj jun k’ak’ ub’anikil taqanem pa juntir, rech pa junamamil kab’an ri chak rech kachomax ri rajawaxik pa ronojelil.
Pa le uq’ijol ri chak ri’ xchomaxik ri b’anoj k’ak’ taqanem rech wokajil japache’ tz’apib’al rech pa chuwe’q kab’ij ri kuya kub’al k’u’x chajinem xuquje’ rech ke’uk’umaj ri winaqil e tz’apilik rech kakiwa’lisaj kib’; jeri’ rech kasuk’umaxik xuquje’ rech kayakik ri rachoch taq japache’ tz’apib’al ri’ rech man kakititz’o ta kib’ ri e tz’apílik xuquje’ rech kakkub’isax uloq’axik uwach ri ya’talil chi kijujunal ri winaq ri’.
Xuquje’ e chi rij taq ub’anik kasuk’umaxik ri winaqil e tz’apilik ruk’ taq jalajoj kino’jib’alil ri’ rech b’anik taq wokajil japache’ rech las Américas; ri rilik kitzijolil ri winaqil ri sib’alaj e chajitalik xuquje’ rech uterne’xik kilik pa kamolajil ri e’ajb’anol k’ax; rech ukojik ri kemechakub’al pa le ya’ochajinem pa wokajil japache’ tz’apib’al ri’ pa le uchomaxik ukojik ri k’ak’ ub’anikil ri uq’atexik taq ri k’ax ri q’oxomal xuquje’ rech b’anik jun utz taqanik ri’.