Eri ub’eyal ri cholchak chajinem taqom ub’anik rumal ri K’amal B’e Amaq’ Iximulew pa reqele’n uchak ri Ministerio rech Gobernación (Mingob) ri’ pa b’anoj utzilem chajinik chi ke ri winaqilal, are la’ xuya pa retal rech xq’atataj uchuq’ab’ ri b’anoj k’ax pa junab’ ri’, man je ta ri’ ruk’ ri rajilab’al rech pa le junab’ 2022.
K’a pa ik’ enero pawe q’ij ri’, k’o chik 0.34 rajilab’al uchuq’ab’ ri b’anoj k’ax q’atim chik, retalil k’ut ri 93.26 ri’, jeri’ k’o 0.60 chi b’anoj kamisanik xq’atexik, are ri retal pa 16.71. Xuquje’ eri retal pa rajilab’al ri b’anoj k’ax chi ke ixoqib’ are xq’atataj pa 1.21 ri’, pa 6.50 rajilab’alil ri’. Eri k’ax xriqitaj pa nimab’e kumal ri ch’ich’ e b’inisam, k0o 11.11 ri’, aq’atataj ri’ pa 5.29, are la’ upatan xub’ano ri ri utzilaj chajinem xb’an pa taq ri nimab’e pa juntir qatinamit.
Eri Ministro rech Gobernación, Byron René Bor Illescas, xuya utzijol ub’ixik ri chak ya’olchajinem tajin kumal ri Wokajil Ajchajil Tinamit (PNC) pa le kachajixik ri winaqilal, k’o b’a jun nim uq’atexik ri k’ax xb’anik rumal nim upatanib’al ri ya’olchajinem kumal ri e ajchajil tinamit”, xcha’.
Xuquje’ eri Nim Patanel rech Gobernación sib’alaj xub’ij che ri chak xb’antajik are la’ kuq’alajisaj che pa amaq’el b’a tajin ub’anik rumal ri Taqawokajil Ya’olchajinem pa Amaq’ xuquje’ rumal k’ut eri wokajil ajchajil tinamit sib’alaj xeq’atenik ri e ajb’anol taq k’ax pa juntir ri qatiamit. “Ruk’ wari’, eri Amaq’ Iximulew kuk’utu chi k’o jun nim upatan tajin kuwok uwach rech pa kub’al k’u’x kek’oji ri winaqil ri’”, xcha’.
Are la’ uwach ri nim chajinik xb’inisax ub’anik, che kaqan, pa ch’ich’ rech chajinik, chi rij taq kejach’ich’ xuquje’ k’a pa taq k’olib’al winaqil che ri k’ax kokik wi ri e ajchajil tinamit rech xkiq’atij ri b’anoj k’ax pa qatinamit. Jeri’ eri puqchajinem kumal ri wokajil ajchajil tinamit, are la’ xuya pa retalil rech xe’uq’al ri winaq rech man b’anoj k’ax xuuje’ rech kachajinik pa konojelil.