K’o jun nim uq’atexik xb’an chi re ri molaj rech ri narcotráfico ri’ pa le nima pera tiko’n rech coca xporoxik eri rajil are kopan pa Q910,810 chi pwaqil ri’. Eri awan kunb’al ri’ are xriqitaj loq kumal ri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), are chi’ xb’an ri puqchajinem pa taq ri k’ache’laj xuquje’ pa qas kik’olib’alil winaqil pa tinamit.
Are chi’ xriqitaj ri nab’e tiko’nib’al ri’, eri wokajil ajchajin tinamit xkiq’atij xkiporoj uwach ri 45,000 chi raqan ichaj tiko’n rech coca ri’, pa le caserío Río Caoba, pa San Luis, Petén ri’. Jeri’ pa Purulhá, Baja Verapaz, xkiporoj k’ut 46,081 chi raqan ichaj tiko’n rech awan kunb’al ri’, eri keb’ ri’ tajin chik rechexik.
Eri puqtzukunem ri’ are rech kaq’atexik uwach taq ri tiko’n rech awan kunb’al pa rulewal amaq’ tinamit, jeri’ rech ya’ik uchuq’ab’ ri b’anob’alil rech chajinem ri’ taqom ub’anik rumal ri Wokom K’amal B’e Amaq’ pa reqa’lenik ri Ministerio rech Gobernación (MINGOB), pa le kaq’atexik ri molaj e’ajb’anol k’ax pa taq amaq’ib’ nimatinamit pa uwachulew.