Xeq’atexik ri molaj b’anol k’ax e k’o pa tz’apib’al ja rech ri Granja Modelo rech Rehabilitación Pavón, pa Fraijanes, Iximulew, pa jun puqtzukunem xb’antaj ri’ le xriqitaj wi 420 chi ch’aweb’alib’alil eqam ri’, ruk’ 23 routers rech jek’ib’al retal ri internet ri’, ruk’ 23 chi q’axeb’alib’alil tzijol rech eqam, xuquje’ ruk’ ri oxib’ jek’ib’al retal ri internet satelital ri’.
Eri tzukunem ri’ xuquje’ xuya pa retal rech xriqitaj loq keb’ chi k’aqb’al q’aq’ maj uwujilal, ruk’ 60 chi ub’aq’ k’aqb’al q’aq’ ri utz kakojik, keb’ b’ilob’al taq k’aqb’alil, ruk’ kajlajuj chi k’amsaqilab’al ruk’ esal rachib’al chajinem, ruk’ job’ chi pajib’alil ri’, 50 chi ilowachib’alil xuquje’ 25 chi paqalib’al uqul, jeri’ le uriqik ri k’olib’alil ruk’ marihuana ri’, ruk’ taq k’olib’al ware rilik ruk’ cocaína xuquje’ ruk’ taq nitz’ k’olib’alil ruk’ crack.
Xuquje’ xriqik 700 chi k’olib’alil ri cerveza ri’, 723 chi taq kaxonil ruk’ taq sik’, rui’ 27 chi puch’b’al ri’, kab’lajuj chi tarjetas SIM, ruk’ k’ilaj taq lame’t ruk’ tzam, xuquje’ ruk’ Q23 mil chi pwaqil b’otolik, ruk’ nik’aj chik awan jastaq ri xk’am b’i pa q’atb’al tzij rech ri kakichomaj uwach ri’.
Eri k’amal b’e Amaq’, Bernardo Arévalo, xuya ub’ixik utzijol pa taq ri uwachwuj pa kaqiq’, sib’alaj xub’ij ri’ “eri b’anoj chajinem che ri kojtajin che utaqixik ub’anik ri’: man rech taj e k’o cha’web’alib’alil pa taq tz’apib’al ja rech man jun ta chik molaj b’anol k’ax kek’oji chi la’ k’ut che ri e tz’apil wi ri winaqil rech kakitojo ri kimak”. Rumal k’u ri’ eri taqawokajnel rech ri Dirección General rech ri Sistema Penitenciario (DGSP), Jorge López Dellachiessa ri’, le xusolij ri b’anoj puqtzukunem ri’, sib’alaj xub’ij ri are eri chak katajin ub’anik, are la’ rech katerne’xik ri uchupisaxik uwach ri awan kunb’al ri’ pa taq tz’apib’al rech ri amaq’ tinamit.
Eri xb’antajik ri’ are la’ kuk’utu ri utzilal ri kemonchak tajin rumal ri Taqawokajil Tz’apib’al Ja (SP), ruk’ ri Wokajil Ajchajin Tinamit (PNC) xuquje’ ri Taqawokajil Ajchajin Amaq’ Iximulew rech kaq’atexik uchuq’ab’ ri k’ax kumal ri e’ajb’anol k’ax ri’, rech kesax uchuq’ab’ taq ri toq’ob’isanik chi ke ri winaq e tz’apil, xuquje’ rech ya’ik uchuq’ab’ ri b’anoj chajinem pa taq tz’apib’al jaj rech rulewal amaq’ tinamit aj iximulew ri’.