Eri puqchajinem tzukno’jchak are xb’an kumal reqa’lenel ri Q’ateb’al Poq’sab’al K’aqb’alil ub’i’ (DIDAE) rech ri Wokajil Ajchajil Tinamit (PNC) pa uk’isb’al rech junio xriqitaj jun nimach’ich’ reqam awan kunab’al ri’ pa le kilómetro 46, pa rulewal ri aldea El Cerinal, Barberena, Santa Rosa.
Pa komonchak ruk’ reqa’lenelab’ ri Subdirección General rech Análisis rech Información Antinarcótica (SGAIA) rech ri PNC. Pa le katob’anik ri juk’ulaj tzukunem ub’i’ binomio K-9, ri kiwach jun k’amal b’e ruk’ jun tz’i’ eqa’lenel ub’i’ Layla, xriqitaj ri awan kunab’al pa le nimach’ich’ ruk’ ri placas TC 62BNM ri’.
Rajwaxik xkikoj jun ilob’al ub’i’ escáner ri wokaj ajchajinelab’ rumal ri’ xkiriq ri awan kunab’al pa le jun nimach’ich’, xkiriq 124 chi pisob’al ruk’ cocaína. Eri eqa’n awan kunab’al ri’ are xpajanik 150 kilogramos ri’ eri rajil are Q15 millones ri’.
Eri Ministro rech Gobernación, Francisco Jiménez sib’alaj xub’ij nim upatan ri chak kakib’an ri Binomio K-9, ri kiwach are jun tz’i’ eqa’lenel ub’i’ Layla, ri xekowon che ub’anik jun nim kaq’atexik ri molaj kiwach ri narcotráfico pa le rulewal qatinamit.
Pa le tzukunem ri’ xchap wi ri ajb’inisal ri nimach’ich’ ub’i’ a Mynor Augusto, 45 ujunab’, ri k’o keb’ umak b’anoj elaq’ ub’anim pa le junab’ 2003 xuquje’ pa 2004. Eri nimach’ich’ ri’ are xel loq pa le rulewal Jutiapa rech xpe loq xopan pa le jun condominio k’o pa le zona 12 rech ri nimatinamit. Eri tzukno’jchak sib’alaj katajin chi rij ri’.