Pa jun puqchajinem tzukunik ri’, eri reqa’lenel ri Departamento rech Investigación rech Ajchomal Delitos Financiereos xuquje’ Económicos rech ri Wokajil Ajchajil Tinamit ri’, xkichap chi la’ k’ut, pa le kilómetro 36.5 C9 nimab’e kab’e pa Palín Escuintla, keb’ chi ch’ich’ kiqam b’i awan jastaq k’ayij ri maj uwujil ri’.
Eri nab’e camión eri placas C 042BTZ TC-040CGM reqam ri’, xchapataj b’i ruk’ ri jastaq rech k’ayib’al ri rajil are Q185,160.30 ri’.
Pa le ukab’ camión eri placas C- 845BNW TC-55BYV reqam ri’, xriqitaj ri jastaq k’ayib’al chi upam eri rajil are Q 306,272.54 chi pwaqil ri’.
Pa ronojel eri rajil ri jastaq rech k’ayij ri’ xriqitaj pa le keb’ chi ch’ich’ ri’ are Q.491,432.84 chi pwaqil ri’. Xuquje’ keb’ chi ch’a’wib’al xriqitaj ri’.
Eri q’atb’al tzij rech ajchajil tinamit xkiya’ loq utzijol che xchapataj ri’ jun achi ub’i’ Elvin Neptalí Urbina Molina 44 ujunab’ xuquje’ jun chik achi ub’i’ Carlos Aníbal Urbina Molina 40 ujunab’ ri’, eri keb’ winaq ri’ xek’am b’i pa q’atb’al tzij chi rij ri k’ax xkib’an ri’.