Pa jun tzukunem xb’an pa komon wokajilal kumal reqa’lenelab’ ri Wokajil Ajchajil Tinamit (PNC) pa komonchak kuk’ ri reqa’lenel ri Wokajil rech Ajchajil Amaq’ Iximulew kuk’ ri rajchak le Superintendencia rech Administración Tributaria (SAT) xkiriq ri awan kunb’alil pa le Puesto rech Control Interinstitucional (PCI) k’o pa Vado Hondo, Chiquimula.  
Eri wokajil ajchajil tinamit xkib’an le rilik ri’ che ri jastaq awan are chi’ xriqitajik maj uwuj xkik’ut tane’, man xkib’ij taj jawchi’ upetik ri jastaq ri’. Pa k’isb’al ri’ xkib’an le utzukuxik juntir uwach ri’ xuquje’ xkiya utzijolil pa le Wokajil Ajchajil Tinamit rech kaq’atexik ri awan jastaq k’ayij ri’ ruk’ ri Contrabando Aduaneros. 

Pa le PCI eri wokajil rech ya’olchajinem ri’ are la’ xb’anik rech rilik kitzijol le winaqib’ rech kilik we ma taqom ta kichapik ri’ xuquje’ rech kilik we keqam kiwujilal rech keq’ax pa tinamit ri’. 
Xuquje’, kab’an le kasoliixik ri ch’ich’ rech kilik we mam k’ot awan jastaq kunb’al keqam tane’ are chi’ keq’axik pa taq le k’olib’al chajinem kumal ri taqawokajilal ri’. 

Eri komonchak kumal ri taqawokajilal ari’ are la’ kuya uchuq’ab’ ri ya’olchajinem taqom ub’anik kumal le Wokom K’amal B’e Amaq’ Iximulew pa le reqele’nib’al le Ministerio rech Gobernación (Mingob), rech uq’atexik taq ri molaj b’anol k’ax pa taq nimatinamit, jacha ri narcotráfico, ri k’ayin awan jastaq xuquje’ kiq’axexik ri winaq maj kiwujilal keqam tane’, rech b’a’ kilik we utz kuwach ri winaqib’ keq’axn tane’ b’i, xuquje’ rech k’o ri ya’olchajinem winaqilal pa tinamit.