E k’o job’ chi uwinaqil jun pandillas rech ri Barrio 18 xechap loq pa jun tzukunem xb’an pa k’isb’al wuqq’ij ri’ kumal reqa’lenelab’ ri Centro Antipandillas Transnacional (CAT) rech ri Wokajil Ajchajin Tinamit (PNC), pa komon chakunem kuk’ ri q’atol tzij rech ri MP, pa le Sector B, Lotificación Manantial, Guanagazapa, Escuintla ri’.
Eri a Melvin Antonio Chavez, 24 ujunab’ uq’ab’emb’i’aj “Liro Demente”; a Abner Abimael Ramirez Gómez, 18, uq’ab’emb’i’aj “El Split”; a Sergio Moisés García López, 24 ujunab’, uq’ab’emb’i’aj “Chejo”; a Yeferson Jamilton Rojas, 20 ujunab’, uq’ab’emb’i’aj “El Hami” xuquje’ al Leticia Isabel Jiménez Chali, 21 ujunab’, uq’ab’emb’i’aj “La Lety”. Konojel ri’ e uwinaqil ri jun clica Crazy Gansters rech ri pandilla rech ri Barrio 18 ri’.
Pa le tzukunem ri’, eri wokajil ajchajin tinamit xkiriq kik’olib’alil nik’aj pandilleros xuquje’ xkiriq oxib’ k’aqb’al q’aq’, oxib’ tolvas; 41 ub’aq’ k’aqb’al q’aq’ utz ri’, ruk’ jun raqarik k’aqb’al ruk’ jun nojsab’al rech xuquje’ ruk’ 24 ub’aq’ k’aqb’al q’aq’, keb’ nim poq’sal q’aq’, xuquje’ k’o jun ch’ich’ ruk’ uplacas rech kab’inisaxik P 986GQC xuquje’ waqib’ chi ch’aweb’alib’al ri xkipis b’i ri q’atb’al tzij rech kakib’an le rilik utzijol taq rech kuya uchuq’ab’ ri tzukunem tajin chi r ij wari’.
Eri jun tzukunem ri’ are uwach taq ri katajin ub’anik rumal ri Wokom Amaq’ rech Iximulew ri’ pa uchakunik ri Ministerio rech Gobernación (MINGOB) rech kaq’atexik nik’aj molaj b’anol k’ax, rech uq’atexik taq ri b’anoj taq k’ax, rech kab’an kachajjixik ri winaqilal ri’ xuquje’ rech b’anoj chajimnem pa rulewal tinamit.