Rech taqim b’a’ri b’anoj chajinem xuquje’ q’atenik taq b’anoj k’ax kab’an loq k’a pa rachoch japache’ tz’apib’al, rumal ri’ eri reqa’lenel ri unidades especializadas rech ri Wokaj Ajchajin Tinamit (PNC), pa 14 rech mayo xkib’an jun tzukunem xaq k’a te’et pa le Granja Modelo rech Rehabilitación Penal Pavón, k’o pa Fraijanes, Iximulew.
Pa le puqtzukunem solinik xb’an rumal ri Wokaj Ajchajinelab’ rech Q’ateb’al Pandillas (Dipanda) ri’ xuquje’ rumal ri División Especializada rech Investigación Criminal (DEIC), kumal ri Fuerzas Especiales rech Chajin Tinamit Policía (FEP) xuquje’ rumal ri Subdirección General rech Tecnologías rech ri Información xuquje’ Comunicación (SGTI)j ri’, pa le rachoch ri japache’ tz’apib’al ri’, xriqitaj wi loq 700 chi kolob’ch’ich’ rech tiqb’al jek’ib’al retal ch’a’web’alil ruk’ jun jachib’al retalil ri’.
Eri q’atb’al tzij xkib’ij, eri tzukunem tajin chi rij ri’ man katanab’ taj rech kab’an le rilik jas ri upetik ri awan jastaq xriqik xuquje’ jachin winaq e ajmak chi rij ri’. ruk’ ri q’ateb’al ri’ are taqim uq’atexik maj rokik awan jastaq pa rachoch japache’ tz’apib’al rech ri qatinamit.
Eri Q’attaqanem Amaq’ Iximulew pa le uchakunik ri Ministerio rech Gobernación (Mingob) katajin che kaq’atexik ri b’anoj k’ax toq’inik pwaq xuquje’ ri molaj e ajb’anol k’ax.
Qas taqim k’ut, ya’ik uchuq’ab’ ri chajinem tzukunik pa rachoch japache’ tz’apib’al, rech kaq’atexik ri b’anoj taq k’ax xib’inik kakib’an loq chi la’ chi ke winaqil ri e tz’apil pa japache’ ri’.