Pa le puqtzukunem b’anom, pa k’isb’al wuqq’ij ri’ eri wokajil ajchajin tinamit pa le kemonchak uq’atexik ri awan kunb’al ri’ xkib’an ri’, xekowon che utzukuxik uwach xuquje’ ri kemonchak chi rij ri’.
Pa le kemonchak xb’antaj kumal ri reqa’lenelab’ ri Subdirección General rech Análisis rech Información Antinarcótica (SGAIA), rech ri Wokajil Ajchajin Tinamit (PNC), k’o 156,000 chi raqan ichaj tiko’n rech marihuana xkiriq pa jun k’ache’laj rehc taq ri caseríos Ixmucané xuquje’ Flor rech Las Esperanza, pa le uq’ab’ tinamit rech Las Cruces, Petén. Eri ichaj tiko’n ri’, are chi’ xriqik, xporoxik, eri rajil are Q58,680,000.
Eri xriqitaj ri’, pa jun k’ache’laj ri k’ax kariqitaj wiri’, are la’ uwach ri jumulaj uwach taq tzukunem rech uq’atexik ri narcotráfico xuquje’ ri poq’san rech awan kunb’al pa amaq’ tinamit. Eri puqtzukunem ri’ are la’ xtaq ub’anik rumal ri Wokom K’amal B’e Amaq’ Iximulew pa le uq’atexik ri narcotráfico ri’ xuquje’ ruk’ taq ri k’axk’olil kupetisaj pa kik’olib’alil ri winaqilal pa amaq’ tinamit.
Sib’alaj xeq’atexik ri molaj e’ajk’ayin awan kunb’al pa Escuintla ri’
Rumal k’u ri’, pa le uq’iijol rech ri uq’atexik ri k’ayin awan kunb’alil, eri tzukunelab’ rech ri K’amoj B’e rech Investigación Criminal rech ri PNC xkib’an jun tzukunem pa jun nimaja rech ri colonia Hunapú, pa le tinamit rech Escuintla ri’. Pa le puqtzukunem, xechapataj loq a Adiel “N”, 21 ujunab’, xuquje’ a Kevin “N”, 24 ujunab’, ri xriqitaj kuk’ k’ilaj taq k’olib’al rech awan kunb’al ri’.
Pa le tzukunem ri’ xriqitajik 27 chi k’olib’alil ruk’ marihuana, 93 chi ab’aj rech crack, jun pajib’al ri’, oxib’ chi ch’aweb’alil, jun wach’ib’al rech awan kunb’al xuquje’ Q525 b’otolik, ri are kab’ixik are pwaq rajil ri awan kunb’al k’ayim. Eri nik’aj xechap loq xek’am b’i pa q’atb’al tzij ri’.
Eri keb’ puqtzukunem ri’ are la’ uwach ri chak tajin ub’anik rumal ri Wokom K’amal B’e Amaq’ xuquje’ kumal ri ajchajin tinamit rech kaq’atexik ri narctrafico ri’ xuquje’ rech katij ri awan kunb’al ri’ pa tinamit.
Eri PNC sib’alaj utaqim ub’anik ri chak ri’ pa kemon ub’anik kuk’ taq ri taqawokajil rech ri Wokom K’amal B’e Amaq’ rech b’anik taq kachajixik ri winaqilal ri’.