Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), pa kemonchak kkuk’ reqa’lenelab’ ri Ministerio rech ri Defensa Nacional xuquje’ pa kemonchak kuk’ ri q’atol tzij rech ri MP, xkiban jun puqtzukunem rech uq’atexik ri tiko’nib’al rech awan kunb’al pa taq ri k’ache’laj rech ri aldea Chicoyab, pa uq’ab’il tinamit rech El Estor, Izabal ri’. Pa le puqtzukunem xb’an kimik, ri xriq wi ri xporox wi ri awan kunb’al rech coca ri’.
Eri q’atb’al tzij xkiya ub’ixik che xporox ri’ 230,400 chi ichaj tiko’n rech we awan kunb’al ri’, eri rajil are Q2,304,000.00, ruk’ ri 1,500 chi pajb’al rech coca ri’.
Chi la’ k’ut xriqitaj wi jun galera rech kakol wi ri awan kunb’al ri’. Eri kopanik ri reqa’lenel chajin tinamit ri’ are xmajta pa le nab’e kajb’al rech nimaq’ab’ xuquje’ pa le puqtzukunem ri’, pa kawokajil ri ajtzukunelab’ ri’ xeriqitaj ri’ kumal ri winaqil chi la’ k’ut ri xki’qatej kib’e’ rech ketzukun ta chik chi la’ k’ut, rumal ri’ xmajtaj jun chomanem tzijob’el kuk’ chi rij taq ri uq’atexik ri ch’ojinem. Eri PNC ri’ sib’alaj kuq’alajisaj che tzij b’a’ katajin ub’anik wari’ kumal ruk’ ri b’anoj suk’ilal pa saqil ri’.