Are uwac ri chajinem tajin kumal ri q’atb’al tzij rech ri Ministerio rech Gobernación (Mingob), pa le 26 rech marzo ri’ rumal ri taqawokajnel rech ri Ya’olchajinem pa Amaq’, Francisco Jiménez; rumal ri Viceministro rech Tecnología rech ri Tzijolil xuquje’ rech tzijob’en ib’, William Cameros, xuquje’ rumal ri Rajk’amol Ub’e ri (PNC), David Boteo, are chi’ xe’opan pa solin ri cholchajinem tajin kumal reqa’lenelab’ ri Comisaría 11, ri k’o pa le 2a. avenida xuquje’ 13 calle, zona 1 rech uk’u’x nimatinamit ri’.
Eri nim patanel xub’ij k’ut eri reqa’lenelab’ kuk’ rajtaqonel ri PNC xkib’an kapixb’exik kaq’alik ri winaqil rech kakib’an ta ri k’ax xuquje’ rech kato’ik ri winaqilal che ri ketereb’ chi rij ri telenche’ pa le Awas Q’ij ri’,
Jeri’ eri q’atb’al tzij xkitaq kapixb’exik ri e ajchajil tinamit rech kakib’an ri chajinem pa le Awas Q’ij, chi rij taq ri telentyox telenche’, rech maj jun winaq utijiom tzam, ketereb’ik rech kakib’an tane’ ri k’ax xuquje’ rech keq’atexik ri e ajb’anol k’ax pa taq ri telentyox telenche’ kumal ri e ajch’ab’al e kojonel.
Rumal ri’ eri Viceministro Cameros xkub’isaj ub’ixik chi k’o ri cholchajinem solinik ri kichak ri winaqil, ri kub’alil kumal pa we amaq’ rech pa joremal jikomal kek’oji pa le awas q’ij pa junab’ ri’.
E k’i ri ajchajin tinamit e taqom
Eri q’atb’al tzij rech ri Mingob xkiw’akatej usolinik pa taq k’olib’em chajinik pa qatinamit, rech kakikub’isaj ri chajinem ri reqa’lenel ri PNC pa taq ri k’olib’al chajinem xuquje’ rech q’atenik riqon k’ax kumal ri ch’ich’ ri winaqilal pa taq nimab’e pa uq’atexik taq b’anoj ri k’ax.
Xuquje’ ketajin che ub’anik jun ya’olchajinem pa taq telentyox telenche’ pa uk’u’x nimatinammit pa le niatinamit Iximulew, ri e k’i ajchajinelab’ kechajin ri’, ruk’ k’i taq ch’ich’ rech chajinem xuquje’ kakoj naj rilob’al apanoq ri chajinem kumal ri ajchajil tinamit.