Eri tzukunelab’ rech ri Centro Antipandillas Transnacional (CAT) rech ri Wokajin Ajchajin Tinamit (PNC) xkichap loq rech xkitaq b’i jun itzelalaj pandillero ri’, ub’i’ a Roberto Ernesto Hernández Santos, 38 ujunab’, ri “Smaylin” ub’i’ uq’ab’em, pa le frontera Pedro de Alvarado k’o pa Jutiapa, chi la’ k’ut xjach wi b’i pa kiq’ab’ ri wokaj ajchajin tinamit rech El Salvador rech kaq’at tojb’al umak chi ri’.
Eri jun achi ri’ are kab’ixik ajkamisanel rech ri clica “Tiny locos sureños” rech ri pandilla rech ri Barrio 18 xchap loq pa México, xuquje’ xjach b’i pa uqab’ ri CAT pa le frontera El Carmen, Malacatán, San Marcos, rech kak’is b’i utaqik b’i pa le utinamit ri’, ri taqom wi loq uchapik rumal xriqitajik reqam k’aqb’al q’aq’ ri’. Eri are ri’ xtaq loq uchapik rumal ri jun q’atb’al tzij salvadoreño pa le 20 rech junio rech 2023.
Eri jun “Smaylin” xuquje’ k’o jun nim utzijolil ri b’anoj k’ax ub’anom pa le utinamit, rumal xk’oji pa molaj b’anoj k’ax ri’; rumal k’o kachoch winaq xresaj pa kiq’ab’ rech xk’oji chi upam; rumal xuloq’ k’aqb’al q’aq’, ri maj uwujil xreqaj ri’; rumal xuya ruk’ ri molaj b’anol k’ax ri’; rumal k’o xraj ri are xukamisaj; pa taq le junab’ rech 2006 xuquje’ 2021.
Eri nim tob’anem chi kuwach le Guatemala, México ruk’ El Salvador are ri’ xuya pa retal rech xb’antaj kowonem xriqik xuquje’ xchapik ri jun itzelalaj pandillero ri’, jeri’ xuya uchuq’ab’ ri utzijolil rech pa komonchak tajin ub’anik ri ya’olchajinem chi la’ pa rulewal taq nimatinamit.